Psom 67 - Nouvo Testaman Kreol Morisien Harmonisation NTPS KM

Mersi Segner Bondie

Pou sef koral. Avek instriman ki ena difil. Enn Psom. Enn kantik.

¹ Bondie, akord nou so lagras, e beni nou; ki lalimier so prezans briy lor nou,

² pou ki partou lor later zot konn to sime pou ki tou bann nasion rekonet ki tomem Sover.

³ Ki bann pep loue twa, O Bondie! Ki tou bann pep loue twa!

⁴ Ki tou bann nasion sant lazwa dan zot leker parski to gouvern bann pep avek lazistis e to gid tou bann nasion lor bon sime.

⁵ Ki bann pep loue twa, O Bondie! Ki tou bann pep loue twa!

⁶ Later finn raport plin rekolt; Bondie, nou Bondie, finn beni nou.

⁷ Bondie pou kontign beni nou; e tou bann pep partou lor later pou onor li.