Psom 15 - Nouvo Testaman Kreol Morisien Harmonisation NTPS KM

Kisann-la LESEGNER resevwar

Enn Psom David.

¹ SEGNER, kisann-la gagn drwa rant dan to Tanp? Kisann-la gagn drwa viv lor Sion, to Montagn Sakre?

² Dimounn ki san repros, ki fer seki drwat, ki koz vre depi enn leker sinser,

³ ki pa difam personn, li pa fer so kamarad ditor e li pa fann rimer lor so prosin;

⁴ li mepriz bann ki fer lemal, me li onor seki respekte LESEGNER; li gard so parol mem si sa kapav kout li bien ser.

⁵ Li pa pret larzan lor lintere; e zame li pa pran gous pou akiz bann inosan. Bann ki viv onet koumsa zame pa pou tonbe.