Psom 149 - Nouvo Testaman Kreol Morisien Harmonisation NTPS KM

Nou sant so laglwar

¹ Alelouya! Sant enn nouvo sante pou selebre LESEGNER; Sant so laglwar dan lasanble so pep fidel.

² Izrael, exprim to boner akoz to Kreater; pep Sion, montre zot lazwa, selebre zot Lerwa.

³ Selebre so laglwar avek bann danse, selebre so grander ar lamizik tanbourin ek laarp.

⁴ LESEGNER trouv so boner omilie so pep e li kouronn bann feb ar laviktwar.

⁵ Fer fet pou rann glwar Bondie, zot ki fidel, e pas lanwit dan rezwisans.

⁶ Sant louanz Bondie for-for, e dan zot lame zot tini lepe ki bien fite de kote,

⁷ pou konbat bann nasion, pou pini bann pep,

⁸ pou ansenn zot lerwa, pou atas bann dirizan ar boul feray,

⁹ pou exekit santans ki finn prononse lor zot. Samem loner tou bann fidel. Alelouya, nou loue LESEGNER!