Psom 142 - Nouvo Testaman Kreol Morisien Harmonisation NTPS KM

Lapriyer pou demann sekour

Enn poem David. Enn lapriyer ki li ti fer letan li ti dan enn kavern.

¹ Avek tou mo lafors mo dimann LESEGNER ed mwa; avek tou mo lafors mo sipliy LESEGNER.

² Mo rakont li tou mo problem; mo dir li tou mo traka.

³ Kan mo nepli ena kouraz, to kone ki mo bizin fer. Lor mo larout, mo lennmi finn instal piez partou.

⁴ Ler mo get otour mwa, mo pa trouv personn pou protez mwa, personn pou donn mwa enn koudme pou kasiet. Personn pa pran kont mo lavi.

⁵ SEGNER, mo sipliy twa vinn ed mwa. Mo dir twa, “Tomem mo protekter; tomem mo trezor lor later bann vivan.”

⁶ Ekout mo lapriyer dezespwar, akoz mo finn afebli. Protez mwa kont mo lennmi; zot tro for pou mwa.

⁷ Tir mwa dan mo prizon pou mo loue to grander. Bann ki obeir Bondie pou rasanble otour mwa parski to finn azir avek bonte anver mwa.