Psom 131 - Nouvo Testaman Kreol Morisien Harmonisation NTPS KM

Lape ek trankilite

Enn kantik pou pelerinaz. Enn Psom David.

¹ SEGNER, mo leker pa vantar, mo regar pa reflet larogans; Mo pa galoup deryer bel-bel zafer ki tro gran pou mwa.

² Okontrer, mo gard mwa kalm, mo rod trankilite, ki enn zanfan rode dan lebra so mama. Mo parey sa zanfan-la, kalm e lespri anpe.

³ Izrael, met to lespwar dan LESEGNER aster, taler, pli divan ek touletan!