Psom 129 - Nouvo Testaman Kreol Morisien Harmonisation NTPS KM

Lapriyer kont bann lennmi

Enn kantik pou pelerinaz.

¹ Depi mo zenes mo bann lennmi persekit mwa - ale, repete O Izrael -

² “Depi mo zenes mo bann lennmi persekit mwa me zot pa finn gagn laviktwar lor mwa.”

³ Zot ti fouy sion profon lor mo ledo koumadir pe labour later.

⁴ Me LESEGNER, limem vre drwatir, li finn kas lasenn bann ki pratik lemal.

⁵ Mo priye ki tou dimounn ki ayir Sion zot zwenn defet dan laont ek konfizion.

⁶ Ki zot vinn kouma lerb ki pous lor twatir me ki mor avan ki rasinn devlope.

⁷ Move lerb pa ranpli lame enn kouper lerb; li pa ranpli lebra enn ramaser lerb.

⁸ Akoz samem bann pasan ki pase, zame zot pou arete pou dir bann mwasoner, “LESEGNER beni twa; Nou beni twa dan nom LESEGNER!”