Psom 128 - Nouvo Testaman Kreol Morisien Harmonisation NTPS KM

Vre rekonpans

Enn kantik pou pelerinaz.

¹ Bienere tou dimounn ki ena respe pou LESEGNER, bann ki swiv sime li finn trase.

² To travay pou ranpli to gard-manze; li donn twa boner ek prosperite.

³ To madam dan lakaz pou grandi to fami, li pou kouma enn pie rezin; e to bann zanfan pou parey bann brans zoliv otour to latab.

⁴ Samem benediksion ki pe atann enn dimounn ki obeir LESEGNER.

⁵ LESEGNER beni twa depi Montagn Sion! Osi lontan to viv to pou temwin prosperite Zerizalem.

⁶ Mo priye ki to viv ase lontan pou get to ti-zanfan grandi. Ki Izrael beni ar lape!