Psom 127 - Nouvo Testaman Kreol Morisien Harmonisation NTPS KM

Anou loue bonte Lesegner Bondie

Enn kantik pou pelerinaz. Enn Psom Salomon.

¹ Si LESEGNER pa konstrir enn lakaz, travay artizan tourn dan vid; si LESEGNER pa okip sekirite so lavil, bann santinel pou fer senntri dan vid.

² Perdi letan rint nou lekor pou zwenn de bout, leve boner, al dormi tar, parski LESEGNER finn fini okip bienet dimounn ki li kontan letan zot pe dormi.

³ Enn zanfan li enn kado LESEGNER; bann zanfan zot enn benediksion.

⁴ Sak garson ki enn zom ena dan so zenes li kouma enn zarm dan lame enn solda.

⁵ Bienere zom ki so artilri ranpli ar zarm, plis li ena, plis li bon pou so defans. Li pa pou konn defet kan li zwenn so lennmi dan zizman.