Psom 125 - Nouvo Testaman Kreol Morisien Harmonisation NTPS KM

Sekirite lepep Bondie

Enn kantik pou pelerinaz.

¹ Bann ki met zot konfians dan LESEGNER zot kouma Montagn Sion ki personn pa kapav sakouye, li res la pou touzour.

² Parey kouma montagn ankadre Zerizalem LESEGNER ankadre so pep aster, pli divan ek touletan.

³ Bann dirizan ki swiv lemal pa pou ena pouvwar touletan dan pei ki apartenir ar bann ki viv ladrwatir, sinon dimounn ki drwat pou tranp so lame dan lemal, dan krim.

⁴ SEGNER, montre to bonte ar dimounn ki bon; beni bann ki ena lazistis dan zot leker.

⁵ Kan to sas bann azan lemal, pini osi bann ki finn abandonn bon sime. Ki Izrael beni ar lape!