Psom 122 - Nouvo Testaman Kreol Morisien Harmonisation NTPS KM

Louanz pou Zerizalem

Enn kantik pou pelerinaz. Enn Psom David.

¹ Mo ti ere ler zot ti dir mwa, “Anou al dan lakaz LESEGNER.”

² Aster ala nou la devan to laport Zerizalem!

³ Lavil Zerizalem finn bien konstrir, li form enn linite parfe.

⁴ Isi mem bann tribi viv, bann tribi LESEGNER, isi mem zot monte pou remersie LESEGNER dan fason li ti dir bizin fer.

⁵ Isi mem ki bann lerwa Izrael asize pou fer lazistis, lor tronn desandan David.

⁶ Anou priye pou lape dan Zerizalem: “Ki zot konn prosperite, bann ki kontan twa.

⁷ Lape regn dan lavil ek sekirite dan bann pale.”

⁸ Pou bienet mo fami ek konesans mo dir Zerizalem, “Lape beni twa!”

⁹ Pou boner lakaz LESEGNER nou Bondie mo priye pou to prosperite.