Psom 113 - Nouvo Testaman Kreol Morisien Harmonisation NTPS KM

LESEGNER Bondie, lasours bonte

¹ Alelouya, nou sant louanz LESEGNER! Zot tou, serviter LESEGNER, loue, loue nom LESEGNER.

² Ki nom LESEGNER gagn tou louanz, depi aster ek pou touletan.

³ Depi soley leve ziska soley kouse loue nom LESEGNER.

⁴ LESEGNER gouvern lor tou bann nasion, e so laglwar depas lesiel.

⁵ Kisann-la parey kouma LESEGNER nou Bondie ki lor so tronn bien lao,

⁶ verse pou get lesiel ek later?

⁷ Li tir bann pov dan lapousier; li tir bann malere dan salte.

⁸ Li fer zot vinn konpagnon bann prins, bann prins ki gouvern so pep.

⁹ Li donn enn lakaz bann madam ki pa kapav gagn zanfan e li beni zot ar nesans zanfan. Alelouya, nou sant louanz LESEGNER!