Psom 112 - Nouvo Testaman Kreol Morisien Harmonisation NTPS KM

Benediksion bon dimounn

¹ Alelouya, nou sant louanz LESEGNER! Bienere dimounn ki onor LESEGNER, ki obeir so lansegnman ar plezir.

² Zanfan bon dimounn pou pwisan dan pei, desandan dimounn ki drwat pou resevwar benediksion.

³ So fami pou posed dibien ek la rises, e zot drwatir pou res pou touzour.

⁴ Dan marenwar lalimier briye pou dimounn ki drwat, pou dimounn ki zenere, bon ek zis.

⁵ Dimounn ki zenere e ki prete, li pou dan bien, si roul so komers dan enn manier drwat, li pou fer bien.

⁶ Bon dimounn pa konn defet e touletan dimounn pou rapel li.

⁷ Li pa per kan li tann move nouvel; so lafwa li ferm ek solid, li met so konfians dan LESEGNER.

⁸ So leker ferm, li pa per pou nanye; li sir ki li pou get so lennmi dan defet.

⁹ Li bien zenere, li ed bann malere, e so drwatir res pou touzour; li pou ena pouvwar e dimounn pou respekte li.

¹⁰ Kan bann azan lemal trouv sa, zot ankoler; zot grinse, lor vites zot disparet; zot lespwar disparet pou touletan.