Psom 101 - Nouvo Testaman Kreol Morisien Harmonisation NTPS KM

Promes rwayal

Enn Psom David.

¹ Mo pou sant lwayote ek lazistis, e mo pou sant li pou twa O SEGNER.

² Mo pou viv enn lavi san fot. Kan to pou vinn ver mwa? Mo pou viv enn lavi prop san repros dan lakaz kot mo gouverne.

³ Mo pa pou toler ki lemal vinn dan mo prezans. Mo deteste aksion bann ki renie Bondie; mo pa pou frekant zot, ni aksepte zot aksion.

⁴ Mo pa pou fer nanye malonet e mo pou refiz tou tranzaksion ar lemal.

⁵ Mo pou detrir ninport kisann-la ki an sekre fer plan mesanste kont so prosin; mo pa pou toler bann vantar ek arogan.

⁶ Mo pou dan faver bann ki res fidel ar Bondie e pou ena plas pou zot kot mwa. Zis bann ki onet dan zot manier viv pou gagn drwa servi mwa.

⁷ Bann ki pratik tronpri pa pou ena plas dan mo lakaz; ipokrit ki servi mansonz pa pou ena plas dan mo prezans.

⁸ Zour apre zour boner gramatin mo pou detrir move dimounn dan pei; move dimounn pa pou ena plas dan lavil LESEGNER.