Psom 100 - Nouvo Testaman Kreol Morisien Harmonisation NTPS KM

Enn kantik pou dir mersi

Enn Psom pou sakrifis remersiman.

¹ Liniver antie, sant for zot lazwa pou LESEGNER!

² Ador LESEGNER dan lazwa; vinn dan so prezans avek zoli kantik.

³ Rekonet ki LESEGNER, limem Bondie. Li finn kree nou e nou pou li; nou so pep, so troupo dan so patiraz.

⁴ Rant dan lale tanp ar rekonesans ek remersiman; rant dan lakour so Tanp ar kontantman. Dir li mersi e loue so nom.

⁵ LESEGNER li vremem bon; so lamour infini ek eternel; so fidelite kontigne pou touzour.