Nyeme 1 - Kawvun mə Mbrew kə Nyeme

ƊAW ƊERWA RUMU Tuk kəɗam mə kəzini

¹ Kəɗam zə swə məni cu ta zu dan vun sôwâ mə ŋgar mi, zə swə məni cu ta wə vari sum gi kwa mə bro' mi, zə swə məni cu wə suk wə du sôwâ məni ru kwa mi,

² ama mum wə tuk kəɗam kə dan dlay BÂRÎ, ɓay mum wə in dan rum, bəka kə dukri!

³ Mum ce' ndə gu məni pe wə vun mbi: Gu rum wə vra' kə ri rum, ɓay tlap rum cu rawɗa mi, sin məni mum wə gi kuni daŋ' ɓaya.

⁴ Cu ndəna' kə sôwâ mə ŋgar mi: Handay ce' ndə rəfê u məni simbeɗ wə sa' pla' wa rumu.

⁵ Zə rum, kəri bəka dan ɓok, sôwâ mə ŋgar cu də car ŋgəɗiŋ' mi ndəna' ta' sum kwa bro' cu də ke wə ri məni, sôwâ mə njeŋ wə də ɓawa han nə mi.

⁶ Zə, BÂRÎ we vari sôwâ mə njeŋ si, ama sôwâ mə ŋgar də vi' kə sin gi ndaya.