Zakadiia 4 - O Mikanda Ikola

Kisukila kia katanu: Tudilu dia tundeia dia ulu ni sambuadi diê dia Kandeia

¹ Anju ua kexi mù zuela nʼeme u vutula hé u ngi phaphumuna kala muthu kia mu balumuna ku kilu kiê.

² Anga u ngʼibhula, uixi: Ua mu monʼhi? Eme-phe nga mu vutuila, ngixi: Nga mu tala, eme nga mono Tudilu dia tundeia, dia ulu uoso, ni thenda ia maji bhu thandu diê, ni sambuadi diê dia tundeia. Kandeia ni Kandeia ka tudika ku thandu diê, kala ni sambuadi dia jimbungu.

³ O ku thandu diê, bhulu kiki, a tudika-bhu isasa ia mudiva, ku mbandu ia dilu ia thenda ia maji kisasa kimoxi, ku mbandu ia kiasu ue, kimoxi.

⁴ Anga ngi zuela, ngambela anju ua kexi mu ku ngi zuelesa, ngixi: Ngana imai, o kienhiki kima kiahi?

⁵ Bhenhobho anju ia kexi mu zuela nʼeme, mu kuvutula u ngi tangela, uixi: Manhi eie o kiki ku kijiia mba kima kiahi? Eme ngixi: kana Ngana iami, tata!

⁶ Muene anga u kuata kuzuela, uixi: O kiki, kiene o kizuelu kia Jihova kua Zolobabele, kuila: Ki mu nguzu mba mu undanda, maji mu Nzumbi Iami, kiene kia tange Jihova dia Ilombo Ieta.

⁷ Eie nanhi, mulundu ua dikota? Bhu pholo ia Zolobabele ua kà kituka-phe u kiphenza. Kuma muene ua kèza ni di tadi dia sukidila-ku dia thunge, ni ku mu tela o kikoue, kuila: Èue! Èue, tadi dienhʼidi!

⁸ O Kizuelu kia Jihova anga kiza luamukuá kokuami, kixi:

⁹ O maku a Zolobabele ene a te disesa dia inzu iii, makuʼê ene ue a-nda ku i zubhidisa, phala enu mu kʼijiie kuila Jihova dia Ilombo Ieta muêne-muene ua ngi tumu kokuenu.

¹⁰ Mukonda, nahi muene u sebulula o kizuua kia dimatekenu dia tuma tua tolo. Mbata enʼió a kà sanguluka mu ku mona o pulumu bhu lukuaku lua Zolobabele; o sambuadi dia mesu diodio, diene o sambuadi dia mesu a Jihova ene mu ku tonginina mu ngongo ioso.

¹¹ Eme nga zuela dingi, ngixi: o midiva i iadi iii, iú ku dilu, iú ku kiasu kia Tudilu dia tundeia, ia lombolola kima kiahi?

¹² O ki nga tona mu zuelesa dingi, ngʼebhula, ngixi: O tu thangu tu iadi tua midiva, toto, tua zukama ni mbungu jiiadi ja ulu ja mu zunzumuka maji a ulu, tua lombolola kiebhi?

¹³ Muene anga u ngi vutuila, uixi: O iii eie ku ijiia se kima kiahi? Eme-phe ngixi: Lémbua, Ngana iami, tata!

¹⁴ Bheneʼobho muene uixi: Ene o kiiadi, kiondu ni maji, ene bhu pholo ia Jihova uavu ixi ioso.