Nehemiia 7 - O Mikanda Ikola

Nehemiia u bhaka-ku alangidi, anga u soneka o majina ma oso a diangele kuiza mu Jeluzaleme ni Zolobabele

¹ Anga ki bhita dingi kuila, kioso kimbaka kia zubha o ku ki tunga, eme ue nga zubha kiá kuta-ku o mabhitu; anga a sola alangidi a mielu ni jingimba akua kuimba ni akua Levi;

² eme anga ngi xinda, phangʼiami Hanane, ni Hananiia, dikota dia mbonge, ngixi a kale ku pholo mu Jeluzaleme, mukonda dia muene kukala diiala dia uthu ni ujitu, mukua uoma ua Nzambi, akuá avulu dingi ndenge.

³ Anga nga a tangela, ngixi: Mabhitu ma Jeluzaleme kʼa ma jikule jinge katé muanha ua tu; o mu ngoloxi kioso ki mu imana-bhu mu kulangidila, mu jika mabhitu, anga mu ta-ku mithathu; anga mu bhaka-ku alangidi a tungu mumu mu Jeluzaleme, kala muthu bhu kithangana kiê kia ku langidila, ulangidila ku pholo ia inzo iê kuene.

⁴ O sanzala ia, tambula ixi mu kukula, kuma ia kexi ia dikota kinéne, athu-phe kʼa kidi a kexile-mu; ni jinzo kiluua a zubha ue ku ji tunga dingi jene joso.

O kisoneku kia majina ma iá a vutuka mu Jeluzaleme a tundu ku ubhika

⁵ Bhenhobho Nzambi iami ngivua ua ngi te ku muẋima kuila ngi bhongolola jingana, ni makota a jingana, ni kifuxi kia mundu uoso, nda a a soneke mu jingu jâ ja Vumu. Anga mu divulu dia jingu ja vumu, ja oso a diangele kuiza, ngi sanga muʼòsoneke, kiki:

⁶ Iá ene anʼakua sengu, endele mu kikuka, ia a tombokele mʼubhika, a a kukile kuala Nabukodonozolo, sobha ia Babilónia; anga a vutukila mu Jeluzaleme ni mu Juda, hé aia kala muthu ni muthu mu sanzala iê.

⁷ Ejiie kumoxi ni Zolobabele, ni Jesuua, Nehemiia, Azadiia, Lahamiia, Nahamane, Moledekai Bilisane, Mispelete, Bikivai, Nahumu ni Bahana; kiki kiene kia tenene o dialuilu dia kifuxi kia anʼa Izalaiele:

⁸ a nʼa Paluxi, a tenene, midi jiiadi j ni hama ni makuinhiʼsambuadi ni kiiadi.

⁹ Anʼa Sefatiia, hama jitatu ni makuiʼsambuadi ni kiiadi.

¹⁰ Anʼa Ala, hama jisamanu ni makuiʼatatu ni kiiadi.

¹¹ Anʼa Pahate-Muuabhe, ene anʼa Jesuua ni Jouabhe, midi jiiadi ni hama nake ni dikuinhi ni nake.

¹² Anʼa Elame, midi ni hama jiiadi ni makuinhʼatanu ni kiuana.

¹³ Anʼa Zatu, hama-nake ni makuinhiʼauana ni kitanu.

¹⁴ Anʼa Zakai, hamaʼsambuadi ni makuinhʼasamanu.

¹⁵ Anʼa Binui, hama jisamanu ni makuinhi auana ni nake.

¹⁶ Anʼa Bebai, hama jisamanu ni makuinhi aiadi ni nake.

¹⁷ Anʼa Azengade, midi jiiadi ni hama jitatu ni makuinhi aiadi ni kiiadi.

¹⁸ Anʼa Adonikane, hama jisamanu ni makuinhʼasamanu ni sambuadi.

¹⁹ Anʼa Bikivai, midi jiiadi ni makuinhi asamanu ni sambuadi.

²⁰ Anʼa Adina, hama jisamanu ni makuinhʼatanu ni kitanu.

²¹ Anʼa Atele, akua diembu dia Ezekiia, makuinhʼivua ni nake.

²² Anʼa Hasume, hama jitatu ni makuinhi aiadi ni nake.

²³ Anʼa Besai, hama jitatu ni makuinhi aiadi ni kiuana.

²⁴ Anʼa Hadife, hama ni kuinhi ni kiiadi.

²⁵ Anʼa Ngibeione, makuinhiʼvua ni kitanu.

²⁶ Mala a akua Beleme ni akua Netofa, hama ni makuinhiʼnake ni nake.

²⁷ Mala a akua Anatote, hama ni makuinhi aiadi ni nake.

²⁸ Mala a akua Bete-Azamavete, makuinhiʼauana ni kiiadi.

²⁹ Mala akua Kidiate-Jeadime, Sefila, ni Behelote, hamaʼsambuadi ni makuinhʼauana ni kitatu.

³⁰ Mala a akua Lama ni Ngaba, hama jisamanu ni makuinhi aiadi nʼumoxi.

³¹ Mala a akua Mikema, hama ni makuinhi aiadi ni kiiadi.

³² Mala a akua Betele ni Hai, hama ni makuinhi aiadi ni kitatu.

³³ Mala a akua Nebo iamukuá, makuinhʼatanu ni kiiadi.

³⁴ Anʼa Elame iamukuá, midi ni hama jiiadi ni makuinhʼatanu ni kiuana.

³⁵ Anʼa Hadime, hama jitatu ni makuinhi aiadi.

³⁶ Anʼa Jedikó, hama jitatu ni makuinhʼauana ni kitanu.

³⁷ Anʼa Lode, ni Hadide ni Ono, hamaʼsambuadi ni makuinhi aiadi nʼumoxi.

³⁸ Anʼa Sena midi jitatu ni hamʼavua ni makuinhʼatatu.

³⁹ O Jinganga; Anʼa Jedaia, mʼonzo ia Josuué, hamʼavua ni makuinhi sambuadi ni kitatu.

⁴⁰ Anʼa Imele, midi ni makuinhi atanu ni kiiadi.

⁴¹ Anʼa Paxule, midi ni hama jiiadi ni makuinhʼauana ni sambuadi.

⁴² Anʼa Hadime, midi ni kuinhi ni sambuadi.

⁴³ Akua Levi: Anʼa Jesuua, dia Kadimiiele, ku anʼa Hodeva, makuinhi sambuadi ni kiuana.

⁴⁴ Jingimba: Anʼa Azafe, hama ni makuinhʼauana ni nake.

⁴⁵ Alangidi bhu mielu: Anʼa Salume, anʼa Atele, anʼa Talmone, anʼa Hakube, anʼa Hatita, anʼa Sobai, hama ni makuinhʼatatu ni nake.

⁴⁶ O akalakadi mu tembulu: Anʼa Ziia, anʼa Hasufa, anʼa Tabaiote,

⁴⁷ anʼa Kelo, anʼa Siia, anʼa Pedone,

⁴⁸ anʼa Lebana, anʼa Hangaba, ana Salamai,

⁴⁹ anʼa Hanana, anʼa Jidele, anʼa Ngahale,

⁵⁰ anʼa Lebaia, anʼa Lesine, anʼa Nekoda,

⁵¹ anʼa Kazame, anʼa Uza, anʼa Paseia,

⁵² anʼa Besai, anʼa Meunime, anʼa Nefusime,

⁵³ anʼa Bakebuke, anʼa Hakufa, anʼa Halule,

⁵⁴ anʼa Baselite, anʼa Mehida, anʼa Halasa,

⁵⁵ anʼa Balko, anʼa Xixela, anʼa Tamaha,

⁵⁶ anʼa Nesiake, anʼa Hatifa,

⁵⁷ anʼa akua mbèle ia Solomá: anʼa Sotai, anʼa Sofelete, anʼa Pelida,

⁵⁸ anʼa Jaele, anʼa Ndalakone, anʼa Jidele,

⁵⁹ anʼa Sefatiia, anʼa Hatile, anʼa Pokelete-Zembaime, anʼa Amone.

⁶⁰ Ateki a menha oso ni aẋangi a jihuinhi ni anʼakua mbèle ia Solomá, a tena hama jitatu ni makuinhiʼvua ni kiiiadi.

⁶¹ Athu iá ue a bandele mu kutunda mu Tele-Mele ni Tele-Halasa, Kelube, Adone, ni Imele, a lémbua-phe kutanga o ndonda ia kuvuadiua kuâ phala kuidikiza o mabhata a jitata jâ ni dianda diâ, mba ene uâ a tokala mu akua Izalaiele.

⁶² Anʼa Delaia, anʼa Tobiia, anʼa Nekoda, hama jisamanu ni makuinhi auana ni kiiadi.

⁶³ Ku jinganga: Anʼa Habaia, anʼa Khoji, anʼa Barzilai, ua sakenene muhatu mu anʼa Barzilai, dia mukua Ngiliiade, anga a muʼixanena kiá mu dijina dia muhatuʼê.

⁶⁴ Mala iá a sota mu divulu diâ dia majina, mu kumesena kutanga bhua tunda o kixina kia muiji uâ, maji a tokoka-phe ku a sanga-mu; kia bhekela ku a katula mu unganga, kuma a ambe exi a xidi.

⁶⁵ Anga o nguvulu u a kidika uixi kʼadie ku ima iòlumbe, a kinge muene katé ki kumoneka o nganga utena kuibhula kua Jihova Nzambi ni Udime ni Tumime.

⁶⁶ Kionge kiki kioso kumoxi, kia tena makuinhʼauana a midi ni midi jiiadi ni hama jitatu ni makuinhʼasamanu,

⁶⁷ kutange dingi abhikʼâ a mala ni a ahatau, a tenene sambuadi dia midi ni hama jitatu ni makuinhʼatatu ni sambuadi, ió ki ene; anga a kala ni hama jiiadi ni makuinhʼauana ni kitanu kia jingimba ja mala ni jʼa ahatu.

⁶⁸ O kabalu jâ, hama sambuadi ni makuinhʼatatu ni jisamanu; o jimulo jâ hama jiiadi ni makuinhʼauana ni jitanu.

⁶⁹ Kamelo jâ, hama jiuana ni makuinhʼatatu ni jitanu; o jibulu jâ, midi jisamanu ni hama sambuadi ni makuinhi aiadi.

O mukungu ua kitadi phala o tembulu

⁷⁰ Anga mbandu ia ituamenu iâ ku jitata, a bhana ima iii ku kikalakalu. Nguvulu u bhana phala mu dizaku, midi ia jidalama, ja ulu, makuinhʼatanu a malonga, ni hama jitanu ni makuinhʼatatu a izuatu ia jinganga.

⁷¹ Anga amoxi-mu dingi, ku ituamenu ia jitata, a bhana mu dizaku phala o kikalakalu, makuinhi aiadi a midi ia jidalama, ja ulu, ni midi jiiadi ni hama jiiadi ja jimina ja phalata.

⁷² Anga o kifuxi kia subhuka a bhana uâ, makuińhi aiadi a midi ia jidalama, ja ulu; ni midi jiiadi ja jimina ja phalata, ni makuinhi asamanu a izuatu ia jinganga.

⁷³ Anga o jinganga, ni akua Levi, ni alangidi a mielu, ni jingimba ni amoximu ku kifuxi, ni ateki a menha ni aẋangi a jihuinhi, ni Izalaiele ioso, hé a tunga mu sanzala jâ.