Nehemiia 11 - O Mikanda Ikola

O Majina ma oso a kexile mu Jeluzaleme

¹ Anga ilamba ia kifuxi a kala mu Jeluzaleme, maji o kifuxi kioso kiamukuá-phe kia anʼa Izalaiele a ta j jisorte, ja kukatula mbandu imoxi ku dikuinhi, phala a kale mu mbânza ikôla ia Jeluzaleme, o dívua dia mbandu a kale mu jisanzala jamukuá.

² Anga kifuxi a kala mu sakidila athu oso a kexi mu ku di bhana mu vondadî iâ ni muẋima uâ uoso, exi tu kala mu Jeluza! leme, muene mu tu tunga.

³ O atumini a tundile mu jisengu, kuiza mu ku kala mu Jeluzaleme, enhá: Maji mu jisanzala ja Juda-phe kala muthu ua kexile mu ixi iê ia tambuile, mu ʼsanzala jâ, kífua akua Izalaiele, ni jinganga, akua Leví, ni ateki a menha ni aẋangi a jihuinhi, ni anʼakua mbèle ia Solomá:

⁴ Mu Jeluzaleme-phe mua tungile ni amoxi-mu anʼa Judá ni anʼa Bejamí. Mu anʼa Juda: Ataia, monʼa Uziia, monʼa Zakadiia, monʼa Amadiia, monʼa Sefatiia, monʼa Mahalaleele o mu anʼa Peleze:

⁵ Ni Mahaseia, monʼa Mbaluke, monʼa Kodiose, monʼa Hazaia, monʼa Adaia, monʼa Joiadibe, monʼa Zakadiia, monʼa Siloni.

⁶ Anʼa Peleze oso, a kexile mu Jeluzaleme, a tenene hama jiuana ni makuinhi asamanu ni nake dia malʼa mazonda.

⁷ Anga anʼa Bejamí a kala: Salu, monʼa Mesulame, monʼa Jouede, monʼa Pedaia, monʼa Kolaia, monʼa Mahaseia, monʼa Itiiele, monʼa Jesaia.

⁸ Ki kua tundu ene, a mu kaiela a Ngabai ni Salai; enhoso hé atena hamʼavua ni makuinhʼaiiadi ni ʼnake.

⁹ O Jouele, monʼa Zikidi, muene ua kexi mu bhita ni ku a tala enhoso; anga o Juda, monʼa Senuua, muene u kala kaiadi mu sanzala.

¹⁰ Ku jinganga: Jedaia, monʼa Joiadibe, Jakina,

¹¹ Selaia, monʼa Hilikiia, monʼa Mesulame, monʼa Zadoke, monʼa Melaiote, monʼa Ahitube, o dikota mʼonzo ia Nzambi.

¹² Ni jiphange jê, a kexi mu kalakala ue mʼonzo ia Nzambi, enhoso anga atena, hama nake ni makuinhʼaiiadi ni kiiadi; ni Hadaia, monʼa Jeluhame, monʼa Pelaliia, monʼa Amisi, monʼa Zakadiia, monʼa Paxule, monʼa Malkiia,

¹³ ni jiphange jê, o ituamenu ia mabhata a jitata, hama jiiadi ni makuinhʼauana ni kiiadi; ni Amasai, monʼa Azaliiele, monʼa Ahazai, monʼa Mesilemote, monʼa Imele,

¹⁴ ni jiphange jê, malʼa mazonda, atena hama ni makuinhʼaiadi ni nake, anga Zabediiele, monʼa Jedolime, muene o thuami iâ u kala mu bhita ni ku a talela.

¹⁵ Ku akua Leví; Semaia, monʼa Hasube monʼa Azedikame, monʼa Hasabiia monʼa Buni;

¹⁶ ni Sabetai, ni Jozabade, mu ikuna ituamena akua Leví, a kala mu tumina a kexi mu benda bhu kanga dia inzo ia Nzambi, ni kikalakalu kioso kia kanga.

¹⁷ Ni Mathaniia, monʼa Mika, monʼa Zabidi, monʼa Asafe, o mutumini, ua kexi mu tuamenena o diximanu mu kithangana kia misambu; ni Bakebukiia, muene kaiadi mu jiphange jê; ku dima diâ kua kaiela Abida, monʼa Samuua, monʼa Ngalale, monʼa Jedutunu.

¹⁸ Akua Levi oso mu sanzala ikôla ia Jeluzaleme, a tenene hama jiiadi ni makuinhi nake ni kiuana.

¹⁹ Alangidi a mielu, Akune, Talamone, ni jiphange jâ, alangidi bhu mielu, akexe hama ni makuinhi sambuadi ni kiiadi.

Oso a kexile mu jisanzala ja Juda.

²⁰ Akua Izalaiele a xalele-ku, ku jinganga ni akua Levi, a kexile mu jisanzala joso ja Juda, akexile kala muthu mu mikáu ia undundu uê.

²¹ Anga o ateki a menha ni aẋangi a jihuinhi a kala mu Ufele; anga Ziha ni Jispa a kala ku pholo mu tumina o ateki a menha ni aẋangi a jihuinhi.

²² Anga Uzi, monʼa Bani, monʼa Hasabiia, monʼa Mathaniia, monʼa Mika, mu anʼa Asafo, o jingimba, u kala mu langidila akua Levi mu Jeluzaleme, a kexi mu kalakala mʼonzo ia Nzambi, kuma muene o thuami iâ, ua a kala ku pholo.

²³ Mukonda dia ene, sobha ua bhele mutendelu ua kuila, jingimba a a bhana kúdia kuâ, kizuua ni kizuua,

²⁴ Anga Petaia, monʼa Mesezabiiele, mu anʼa Zela, monʼa Juda, u kala ni sobha bhu mbandu iê, mu kusokelesa o milonga ni ima ioso i bhindamena o kifuxi.

Atungile mu tusanzala tuofele

²⁵ Ku mbandu ia tusanzala tuofele, ni mikáu iê, amoxi mu anʼa Juda a tungile mu Kidiate-álaba, ni mu jisengo jê; ni mu Dibone, ni mu jisengo jê; ni mu Jekabesiiele, ni mu jisengo jê;

²⁶ ni mu Jesuua, ni mu Molada, ni mu Bete-Pelete,

²⁷ ni mu Hasale-suuale, ni mu Beleseba, ni mu ididi ia jisengo jê joso;

²⁸ ni mu Sikalake, ni mu Mekona, ni mu ididi ioso ia jisengo jê;

²⁹ ni mu Ene-Dimone, ni mu Zola, ni mu Jelumute;

³⁰ ni mu Zanoua, ni mu Adulame, ni mu tumabhata tua jisengo jê; ni Lakiji, ni mu jixi jâ; ni mu Azaka, ni mu ididi ia jisengo jê. Anga a tula kibangu kiâ tunde bhu Beleseba hé a bhixila katé mu honga ia dikôlo dia Hinome.

³¹ Anga o anʼa Bejamí, dia Jeba, a kala mu Mikimaxi, ni mu jisengo jê;

³² ni mu Anatote, ni mu Nobe, ni mu Ananiia,

³³ ni mu Hasole, ni mu Lama, ni mu Ngitaíme,

³⁴ ni mu Hadide, ni mu Nzeboíme, ni mu Nebalate,

³⁵ ni mu Lode, ni mu Ono, mu honga ia dikôlo dia akua ufunu.

³⁶ Anga akua Leví amoxi-mu atunga hé a kala mu makaẋi ma Juda ni ma Bejamí.