Kuditenda 3 - O Mikanda Ikola

Jelemiia uambela mundu ku di xikina o kituxi kiâ, ni ku vutuka kua Nzambi phala a a kuatele henda

¹ Eme nga di muena jingongo kia tuluka o mbangala ia njinda ié.

² Muene ua ngi zangula iú ua ngí batesa mu kitombe, ki mu mukengeji, kana.

³ Kutanga o kidi, ua ngi balukila muene; kumbi dioso dia kambàmba lukuaku luê lua ngi te bhu kíbhidi.

⁴ Ua ngi sekalesa o xitu iami ku mukutu, ni kikonda kiami; o ifuba iami ua i bulabula.

⁵ Ua ngi tungila kixitu, iu ua ngʼoseka ni ndululu ni kututumba.

⁶ Ua ngi xikika mu ididi mua vundu, kala athu à fua kiá okulu.

⁷ Ua ngi kondela ku mbandu joso kala lumbu, bhua kutundila nga lémbua-bhu; malubhambu ma neme, ua ngi jika-u ni nguzu.

⁸ Bhu suske dia ku dikola, hé ngi ta mutendu, maji muene musambu uami u ngi xitila-u dibhitu.

⁹ Jinjila jami ua ji xiti ni matadi mòsonge; jihoka jami muene ua ji bhengeleka.

¹⁰ Uixi kala kitôto mu ku ngi batamena; mukuâ ni hoji ia tela.

¹¹ Ua ngi tungamesa mu jinjila jami, o ki nga ila muengi, kuene kua ngi sasujuila ku idiandu; ua ngi xi nga senguluka.

¹² Uoleka mufula uê, iú ua ngi bhange, kífua eme ngi ditonokenu diê dia kupondala o misongo iê.

¹³ Misongo ia tundu mu kizu kiê, ua ngʼase na-iu mu miongo.

¹⁴ Nga biluka ngi diba dia kasekelelu ka mundu uami; eme ngi mukumbi uâ, kumbi dioso dia kambamba.

¹⁵ Ua ngi kumisa ni ma-kulula, kiene ki ngalʼiki nga juuala ni muẋi ua abixindo ua ngi nuisa.

¹⁶ Ua ngi disa mbuelekese ja kisèkele, ki kia ngi bulu o mazu; ua ngi vumbu mu utókua.

¹⁷ O muenhu uami ua u katula ku paze, mbote ki nga i te dingi muẋima.

¹⁸ Ngixi-phe: Kuabhu, bhu ngalʼabha nguzu ia ngi-bhu, ni kudielela kuami kuene mua Jihova kua ngi-bhu ue kiá.

¹⁹ Lembalala, Ngana, o phaxi iami ni ngongo, xinganeka o abixindo ni ndululu, i ua ngi bhana.

²⁰ Ima ienhiʼii muenhu uami hanji uala ku i lembalala, anga u di kotamena moxi diami.

Kudielela o jihenda ja Nzambi

²¹ Maji eme-phe, ngala kuila o ki ngi lembalala kima kiná, nguzu iza dingi.

²² Kuma o jihenda ja Jihova jene-ze ja bhiti-bhu, etu tua kambe kujima o mbutu; mbata jihenda jê ki jene ni dizubhilu.

²³ Imene ioso kuila ngó kúkia, jatomboka jʼobhe; o ku kumbidila kuê, kuvula kuahi!

²⁴ Jihova muene kimanga kiami, kiene kiambe o muenhu uami; uila kiki ngiia ni ku mu dielela muene.

²⁵ Jihova muthu ua mbote phala ió oso a mu nhenganana muene, mbé o muthu uoso u mu bhindamena.

²⁶ Kima kiambote o ku kala ni kudielela, ni kuxibhidila sé jibuia o kubhuluka ku tunda kua Jihova.

²⁷ Kima kiambote phala muthu o kutala hadi ni kànga ia Jihova mu thembu ia undenge.

²⁸ Ni ku di xikamena kididi kia ubheka, ni kuila muene, hûdí; kuma Nzambi muene ua mu tuika-iu.

²⁹ Adiunde ni muzumbu bhoxi; sumba mu kubhanga kiókio bhu kala kubhanduluka!

³⁰ A bhane ditama diê kua uoso u mu bha jihuxi; adie muene jindaka, ekute.

³¹ Mbata Jihova kene kuila uẋimbuka, nʼa ẋimbukilà-ku.

³² Kuma, né kia beta muthu hé u mu bheka mu lamba, sai bhua-nda ku mu lendukila, kuma ukaiela kia soko o nzungule ia jihenda jê.

³³ Kuma muene o kubeta anʼathu ni ku a bhondeleka, ki kima kia kubhangela vondadi iê.

³⁴ Ku diata-diata bhoxi dia inama o jipelezo joso jaʼxi, Jihova ka ki monʼuê kuuabha;

³⁵ kuselula o kulûnga kua muthu bhu pholo ia Suke-ku, Jihova ka ki monʼê kuuabha;

³⁶ kúdia o mangonha kua mukuenu bhu dimanda diê, Jihova manhi kienhiki ka ki monʼuê?

³⁷ Mukuahi muene uzuela, kima anga ki bhita, se Jihova ka ki tumina?

³⁸ Mu kanu dia Ió ua Suka-ku, manhi ki muene mu tunda o divuua ni mbote?

³⁹ Muthu ua muenhu u kuatela-hi-phe ku ditata? Inda muthu ni muthu a di tate mukonda dia ituxi iê!

⁴⁰ Jinjila jetu tu ji tongolole kiambote, tu ji lole muene kioso ki jala, tu alukile kua Jihova.

⁴¹ Tu lekienu o miẋima ietu ni maku kua Nzambi ku diulu, hé tuamba kuila:

⁴² Tua tondala, tua bhange ima ia kubaluka; kiene ki ua kambela ku tu loloka.

⁴³ Ua tu vungu ni njinda ié, kala mu kitata mu ua tu te, eie ua tu zuididika: ua tu jibha muene, ngué ku tu kuatela henda.

⁴⁴ Ua di jikila mu matuta, ua lenge misambu ietu, phala ki i ku bhixile.

⁴⁵ Ua tu tula muʼaxaxi ka ifuẋi kala tu makololo, tu ixita iahatu.

⁴⁶ Nguma jetu joso ja bhâne makanu ni ku tu lebhula.

⁴⁷ Kua tuiza kingûmba ni diêla, kusenguluka ni kubuika.

⁴⁸ Mesu mami ma lundulula mikunguiji ia menha, mukonda dia kibuika kia tula kua monʼa kilumba kia povo iami.

⁴⁹ Mesuʼami, a dila a tona, mukonda bhu nhohena muthu ki bhua moneka.

⁵⁰ Ngi kuata kienhiki katé Jihova, ku diuluʼoko, kia ngʼivua hé u zongola kunu.

⁵¹ Mesuʼami ala ku ngi vunza o muẋima moxi kuma kia ngi kate kiavulu mukonda dia anʼa ilumba a tokala mu mbonge iami.

⁵² Nguma jami ja ngi zembe sè kikuma, a ngi kuata kala ngi njila bhu mubhetu.

⁵³ A takuila muenhu uami mu dikungu, iá a ngi lunduluila matadi ku thandu, phala kujikinisa o muenhu uami.

⁵⁴ Menha anga a ngi bhita bhu thala ia mútue; ngixi-phe: Eme nga fuʼó!

⁵⁵ Jihova, nga di kola mu dijina dié, koxi kuene ku nga kuzukʼoko.

⁵⁶ Eie dízui diami ua dʼivu; ku sueke o dítui, nʼu kambe kuívua o kuzuluma kuami, ni ku dikola kuami.

⁵⁷ Eie kizuua ki nga ku bhingile, bhenhobho eie ua ngi zukamene; uixi-phe: Ku kale ni uoma!

⁵⁸ Eie Jihova, ua fundu o dimanda dia-nda ku ngi dia o muenhu, eie ua kula o muenhu uami.

⁵⁹ Mangonha moso ma ngi bhange, eie Jihova ua a mono; fundisa, Ngana, o mulonga uami.

⁶⁰ Lûma luâ luoso eie ua lu mono, ni ilunji iâ ioso iala ku ngi funhina eme.

⁶¹ Malebhu mâ, eie u Jihova ua evu o ixingeneku iâ ioso iala ku ngi funhina eme, eie ua i mono.

⁶² O mizumbu ia oso a fundumukina o ku ngi lua, ni ilunji iâ iala ku ngi funhina eme ku kumbi dioso dia kambamba eie ua ijiia.

⁶³ Tongolola-u Ngana, kuma ni kia xikama, ni kia balumuka, eme muène ngi mukumbi uâ.

⁶⁴ Jihova, eie hinu u a bhana o futu, ia soko ni ikalakalu ia maku mâ.

⁶⁵ Eie u a bhana o ufuófuo ua muẋima, mázui mé nda ma tule ku tandu diâ.

⁶⁶ Zuididika-u, Ngana, o mu njinda ié a jime o mbutu phala a jimuke bhoxi dia diulu, diangene dia Jihova.