Josuué 21 - O Mikanda Ikola

O jimbonge ja Jilevita

¹ Kienhiki ku jitata ja jilevita ku tunda makota anga eza kua Eleazale, o nganga, ni kua Josuué, monʼa Nune, ni ku makota matokala ku jitata ja anʼa Izalaiele;

² anga a a zuelesa bhu Silu, mʼoxi ia Kanana, exi: Mu thembu ia Mozé, Jihova ua tumine kuila mu tu bhana jisanzala ni tu tunge uetu, ni mikáu iê ku maxilu, mbé o ibhaku ietu.

³ Bhenhobho anʼa Izalaiele a katula ku ubhinganu uâ, kala kiambele Jihova, jisanzala jâ ni mikáu iâ ku maxilu.

⁴ Muondona-phe u tunda, ua tokala anʼa Kohate ku majiku-majiku-mâ: anʼa Alá, nganga, atokala ku jilevita, hasa iâ ia buila kuinhi dia jisanzala ni jitatu phala ene, maji jitunda ku konda ia muiji ua Juda, ni ku muiji ua Ximinhá, ni muiji ua Bejamí.

⁵ Ana amukuá a Kohate, hasa iâ ia buila dingi kuinhi dia jisanzala, ji tunda ku konda ia jifamília ja muiji ua Ifalaíme, ni ku muiji ua Dane, ni ku kaxaxi ka muiji ua Manasa.

⁶ O ku anʼa Ngelexone hasa iâ ia tundila ku konda ia jifamilia ja muiji ua Isakale, ni ku muiji ua Asele, ku muiji ua Nafitali, ni ku kaxaxi ka muiji ua Manasa, mu Basane; kuene kua tundu kuinhi dia jisanzala ni jitatu.

⁷ Anʼa Meladi-phe, ku majiku-majiku-mâ, a a tambuila kuinhi dia sanzala ni jiiadi ku konda ia muiji ua Lubene, ni ku muiji ua Ngadi, ni ku muiji ua Nzebulone.

⁸ Anʼa Izalaeiele a bhana o jisanzala jiji ku jilevita kumoxi ni mikáu ia jimbalelu jâ, kala kia xinda jinga o hasa jâ, kioso kia a tumine Jihova mu izuua ia Mozé, kiene.

⁹ Muiji-phe ua anʼa Juda, ni muiji ua anʼa Ximinhá a beta kubhana mu katula o jisanzala jiji kala kia ji tange ni majina mê.

¹⁰ A ji bhana ku anʼa Alá, ku majiku ma Kohate, anʼa Levi; mukonda ene adiangela kutomboka ku hasa iâ.

¹¹ Kienhiki a a bhana ue sanzala ia Kidiate-Halaba, o Halaba-phe muenhú muene tata ia Anake, o mbanza iii muene Hebolone, mu mulundu ua Juda, ni jimbambe jê ja mbalelu ia mu kondoloka.

¹² Maji o mukáu ua mbonge ienhiʼii ni tumabhata tuê tuofele a u bhana kua Kalebe, monʼa Jefune, mu ubhinganu uê.

¹³ Kienhiki, anʼa nganga Alá a a bhana Hebolone, o mbonge ia disuamenu, mu suamena uoso uajibha, ni mbalelu iê, ni sanzala ia Libina ni mbalelu iê,

¹⁴ ni sanzala ia Jatile, ni mbalelu iê, ni sanzala ia Xitimoua, ni mbalelu iê,

¹⁵ ni sanzala ia Holone, ni mbalelu iê, ni sanzala ia Ndebile ni mbalelu iê,

¹⁶ ni sanzala ia Aime, ni mbalelu iê, ni sanzala ia Juta, ni mbalelu iê, ni sanzala ia Beteseme, ni mbalelu iê; miji iiadi iii ia bhana dívua dia sanzala.

¹⁷ O muiji ua Bejamí ua bhana Ngibiione, ni mbalelu iê, Jeba, ni mbalelu iê;

¹⁸ Anaióte, ni mbalelu iê, Alumone, ni mbalelu iê; sanzala jiuana.

¹⁹ Sanzala joso ja jinganga mu jinganga, anʼa Alá, kuinhi dia sanzala ni sanzala jitatu, ni jimbalelu jâ, ku maxilu mâ.

²⁰ O jifamília-phe ja anʼa Kohate, o jilevita, a subhukile ku anʼa Kohate, iá ala ngó jilevita, hasa iâ ia a nomuena jisanzala ku konda ia muiji ua Efalaime.

²¹ Anga a a bhana Xikeme ni mbalelu iê, iene o mbonge iâ ia disuamenu, mu suamena uoso ua jibha; o mu mulundu ua Ifalaime, a bhana ue Ngezele, ni mbalelu iê;

²² ni Kibisaíme, ni mbalelu iê, ni Mbetomone, ni mbalelu iê; jisanzala jiuana.

²³ O ku muiji ua Dane kua tundu sanzala ia Eliteke, ni mbalelu iê, ni sanzala ia Ngibetone ni mbalelu iê;

²⁴ Ajalone, ni mbalelu iê, Ngate-Dimone, ni mbalelu iê; kia bhange sanzala jiuana.

²⁵ O ku kaxaxi ka muiji ua Manasa, kua tundu Tanake, ni mbalelu iê, Ngate-dimone, ni mbalelu iê; kia bhange sanzala jiiadi.

²⁶ Konda ia jisanzala joso phala madianda a Kohate a xalele-ku kuinhi dia jisanzala, ni jimbalelu jâ.

²⁷ Anʼa Ngelexone, muʼaxaxi ka jilevita, a a bhana Ngolane, mu Basane, kuala kaxaxi ka muiji ua Manasa, ni mbalelu iê, iene o mbonge ia disuamenu dia uoso uta kijibha; ia a a bhana ue Betela, ni mbalelu iê; kia bhange sanzala jiiadi.

²⁸ O ku muiji ua Isakale, Kijó, ni ikanzu iê; Ndabelate, ni kanzu iê;

²⁹ Jalemute, ni mbalelu iê, Hene-Nganime, ni mbalelu iê; kia bhange sanzala jiuana.

³⁰ O muiji ua Asele ua bhana Misale, ni mbalelu iê, Abidone, ni mbalelu iê;

³¹ Helekate, ni mbalelu iê, ni Lehote, ni mbalelu iê; kia bhange sanzala jiuana.

³² O muiji ua Nafitali ua bhana Kadexe, mu Ngalileia, ni mbalelu iê, iene o mbonge ia disuamenu dia uoso uta kijibha kia kujibha mukuâ; ni Hamote-dole, ni mbalelu iê, ni Kaditane ni mbalelu ié; kia bhange sanzala jitatu;

³³ konda ia jisanzala joso phala Mangelexone, ku majiku-majiku-mâ, a bhange kuinhi ni tatu dia jisanzala, ni jimbalelu jê.

³⁴ O jifamília-phe ja anʼa Meladi, mu (axaxi ka jilevita) ja subhukile-ku, a a bhele kiki: muiji ua Nzebulone, ua bhe Jokeneame, ni mbalelu iê, Kata, ni mbale-lu iê,

³⁵ Dimina, ni mbalelu iê; Nahalale, ni mbalelu iê; kia bhange sanzala jiuana.

³⁶ Muiji ua Lubene ua bhe Bezele, ni mbalelu iê, ni Jaza, ni mbalelu iê;

³⁷ Kedimote ni mbalelu iê, ni Mefahate ni mbalelu iê; kia bhange sanzala jiuana.

³⁸ O muiji ua Ngadi ua bhe Lamote, mu Ngiliiadi, mbonge ia disuamenu dia uoso uta kijibha, ni mbalelu iê, ni Mahanaíme, ni mbalelu iê;

³⁹ ni Hexebone, ni mbalelu iê, ni Jazele, ni mbalelu iê; kia bhange konda ioso sanzala jiuana.

⁴⁰ O sanzala joso jiji a ji bhana anʼa Meladi, ku majiku-majiku-mâ, oso a subhukile hanji mu jifamília ja jilevita; hasa iâ ia a bhele kuinhi dia sanzala ni jiiadi.

⁴¹ Jisanzala joso ja jilevita, muʼaxaxi ka undundu ua anʼa Izalaiele, jakexi makuinhi auana ni nake dia ʼsanzala, ni ikanzu iê.

⁴² Sanzala ni sanzala ni mbalelu iê ku maxilu moso; sanzala joso muene kienhiki.

Izalaiele u vua oxi ia Kaná

⁴³ Jihova, mu ku bhanga kiki, ua bhana muene oxi ioso kua anʼa Izalaiele, ia lokelele o ku i bhana ku jitata jâ, o ene anga a i ívua muene, a tunga momo.

⁴⁴ Jihova anga u a bhana o kunhoha, kala kioso kia lokelele ko jitata jâ; mukonda ku jinguma jâ joso ki kua subhuka muthu ua tena kuimana bhu pholo ia ene; Jihova ua a bhana jinguma jâ joso muene bhu maku mi

⁴⁵ Maka moso muene ma mbote ma zuelele Jihova ku dibhata dia Izalaiele, ki kua sonoka kima, kana; ioso muene ua i kumbidila.