Josuué 12 - O Mikanda Ikola

Jixi ja uane Mozé phala miji iiadi ni kaxaxi

¹ O munôno ua jisobha jaʼxi, ja buila bhu lukuaku lua anʼa Izalaiele, kia a tolola, anga á vua oxi ia sámbua diná dia Njolodá, ku mbandu ia mutundila-kumbi, uenhú: Tunde kiá ku kahonga ka Anone katé ku mulundu ua Helemone, ni dinhana dioso dia thunda.

² Moxi kiá Sihone, sobha ia Mamodi, ua tungile mu Hezebone, o utuminu uê kia kexi mu tumina, tundé ku Alouele ku mbandu ia kahonga ka Anone ni mu kiuanu kia kahonga kenhaka, tunde ue kaxaxi ka Ngiliiade ni ku kahonga ka Jaboke, mu mbambe ia anʼa Amone;

³ ngànga iosuʼoio katé ku musanza ua Kinelote ku thunda, katé ku musanza uala mu ngànga, o Kalunga ka Môngua ukexila ku thunda, mu kubhitila ku njila ia Bete-Jesimote, katé ku sulu, mu mbetekete ia Ajindode-pisga. Bhene bhua sukile o utuminu uê.

⁴ Kadi, Hoke, sobha ia Basane, ua subhukile ku Jinefalime (o mazonda a fuma mʼukulu) iu ua tungile mu Jitalote ni mu Dilei.

⁵ O utuminu uê ua bhitile mu mulundu ua Helemone, ni mu Salaka, ni mu Basane ioso, u di kunga ni mbambe ia akua-Jesule ni akua-Makata, ubhitula kaxaxi ka Ngiliiade, mu mbambe ni Sihone, sobha ia Hezebone.

⁶ Enhá, Mozé, o ngunza ia Jihova, ni anʼa Izalaiele, ene a a jibhile; Mozé-phe, o ngunza ia Jihova, oxi ienhiʼii iu ua i bhana akua-Lubene, ni akua-Ngadi, ni kaxaxi ka muiji ua Manasa, mu ubhinganu.

O munôno ua makuinhi atatu ni umoxi a jisobha

⁷ Jiji ue, jene o jisobha jaʼxi, ja buikisa kuala Josuué ni anʼa Izalaiele, ku sámbua kunu dia Njolodá, ku luiji, tundé ku Baale-Ngadi, mu dikôlo dia Libano, katé ku mulundu ua Halake, ku njila ia kubandela ku Seíle; oxi Josuué iú ua i bhana o miji ia Izalaiele mu undundu uâ, ku jimbambe-jimbambe.

⁸ Athu oso kiâ a kexi mu milundu ni mu manhana, ni mu jingànga, ni mu ibonda ia menha, ni mu kikangalakata, ku sulu kunhá, ni ku Nangebe, ixi ioso kiá ia Mahiti, ni Mamodi, ni Makanana, ni Mapelezi, ni Mahivi ni Majebuzi, iòtambule kuala anʼa Izalaiele.

⁹ Moxi kiá, sobha ia Jedikó; mukuá o sobha ia Hai, bhu mbandu ia Betele;

¹⁰ mukuâ, o sobha ia Jeluzaleme; mukuâ, o sobha ia Hebolone;

¹¹ mukuâ, o sobha ia Jalemute; mukuâ, o sobha ia Lakiji;

¹² mukuâ, o sobha ia Engolone; mukuâ, o sobha ia Ngezele;

¹³ mukuâ, o sobha ia Ndebile; mukuâ, o sobha ia Njedele;

¹⁴ mukuâ, o sobha ia Holoma; mukuâ, o sobha ia Halade;

¹⁵ mukuâ, o sobha ia Libina; mukuâ, o sobha ia Adulame;

¹⁶ mukuâ, o sobha ia Makeda; mukuâ, o sobha ia Betele;

¹⁷ mukuâ, o sobha ia Tapuua; mukuâ, o sobha ia Hefele;

¹⁸ mukuâ, o sobha ia Afeke; mukuâ, o sobha ia Lazalone;

¹⁹ mukuâ, o sobha ia Mandone; mukuâ, o sobha ia Hazole;

²⁰ mukuâ, o sobha ia Ximilone-Melone; mukuâ, o sobha ia Akezafa;

²¹ mukuâ, o sobha ia Tanake; mukuâ, o sobha ia Mejidu;

²² mukuâ, o sobha ia Fadexi; mukuâ, o sobha ia Jokeneame, mu Kalumelu;

²³ mukuâ, o sobha ia Ndole, mu Nafate-Dole; mukuâ, o sobha ia akua-jixi mu Jidingale;

²⁴ mukuâ, o sobha ia Tikiza; ene oso akexi makuinhi atatu a sobha ni umoxi.