Jisálamu 99 - O Mikanda Ikola

Jihova Ukôla!

¹ Jihova ua hingi ungana uê; akua jixi a tekete; Muene ua xikama bhu kaẋi ka jixelubini; ixi i tungute.

² Jihova kilamba mu mbanza iê ia Ziione; Muene ua zangalala ku thandu dia akua jixi joso.

³ A ximane dijina diê, dia jingi, di kuata uoma; kuma Muene u kôla.

⁴ Eie, ku ungana ué, uinda kufundisa kuambote; o ixi iasekalele, eie ua i fukula dingi kiengi; eie kufundisa kué mua Jakobo, kua kidi ni kutetuluka:

⁵ Jingisenu Jihova Nzambi ietu, mu diundilienu bhu kibaka kia inama iê; mukonda muene ukôla.

⁶ Jinganga jê sai, ni Mozé ni Alá, o jipolofeta ue sai, Samuuele: ela jinga a dikola kua Jihova, muene u a evua anga uitaia.

⁷ U a zuelesa jinga mu mufumbeji ua dituta, kioso ene kia kuata jinga o ijila iê ni ngonge ia a bhana.

⁸ Eie uà etaia jinga muene, u Jihova, Nzambi ietu; ua kexe eie u Nzambi ia ku a loloka; sumbala o imbamba iâ iaiibha ia bhanga jinga, eie ua i kaxtikala.

⁹ Jingisenu Jihova, Nzambi ietu, mu diundilienu bhu mulundu uê uangene; kuma Jihova, Nzambi ietu, ukôla.