Jisálamu 98 - O Mikanda Ikola

Jihova Mukua Kidi

Mukumbi.

¹ Imbilenu Jihova muimbu uobhe; kuma Muene ua bhange madiuanu; lukuaku luê lukôla, luene lua lende o jinguma.

² Jihova uedikiza ubhulukilu uê; o kukumbidila kuê, kua di monekena ku mesu a akua jixi joso.

³ Ua xinganeka o henda iê ni kidi kiê, mu kutambula konda ia dibhata dia Izalaiele; katé ku maẋokololo a jixi, uzonda ua Nzambi ietu a u mono.

⁴ Dikodienu kua Jihova ni kusanguluka, enu oso mua tungu mu ngongo; tenu nzongo, sangulukenu, xikenu mujika.

⁵ Mbànza i kuate mu kuximana Jihova, ni kakoxi ni kuimba kua ngalasa.

⁶ Ni koloneta ni dízui dia mbungu, suinenu dízui dia kikoue bhu pholo ia Jihova, Sobha ietu.

⁷ Kalunga ka zume, ni mabhuku mê moso; mikáu ia kanga i di kole, ni athu oso a tungu momo.

⁸ Jihonga ji bhabhe kibhûbhu; o milundu ue i tele kumoxi o nzongo iâ ia kutana.

⁹ Bhu pholo ia Jihova, kuma iú iza, mu fundisa o ngongo; u fundisa mundu ni kidi, u batuila o ifuẋi ni kutetuluka.