Jisálamu 95 - O Mikanda Ikola

Kuixana Athu Mu Kuximana Jihova Ni Ku Mu Bheza

¹ Ndokuenu, tu imbidienu Jihova ni kutana; tu dikodienu ni ngalasa bhu ditadi dietu dia kubhulukila.

² Tu bhixila bhu pholo iê ni kusakidila; tu mu kola ni kuimba jisálamu.

³ Kuma o Jihova, kota dia Nzambi, Ngana ia dokota ua tundu o jinzambi joso.

⁴ Jihonga joso ja mu ngongo jala bhu lukuaku luê; milundu ia di leka ue, muene ua i kuata, mukonda ia mu tokala muene.

⁵ Musanza ua kalunga uê muène, kuma muene ua u iudika; o mavu a kanga muene uaʼombu ni maku mê.

⁶ Ndokuenu tu bhetame, phala tu bhezienu, tu fukame bhu pholo ia Jihova ua tu bhanga.

⁷ Mukonda muene Nzambi ietu; etu tu athu mu makèla mê, tu jimbudi uala ku tu inga ni lukuaku luê. Lelu-phe se muivua dízui diê,

⁸ kana dingi kukola o mixima ienu kala bhu Medibah, kala o kizuua kia Masah mu kikangalakata;

⁹ Bhua ngi lokalela o jitata jenu, bhua ngi kuatelele jiphata, sumbala o kukalakala kuami a ku monoʼâ.

¹⁰ Muiji uenhú anga a ngi kuma mu makuinhi auana a mivu, ngixi: O iá athu ala ni mixima ia kudianguka! o jinjila jami a lémbua ku jʼijiia!

¹¹ Kia ngi bhangesa ku a lokela mu kuluuala kuami, ngixi: Mu kididi kia dinhohenu diami, ka kà bokona-mu.