Jisálamu 93 - O Mikanda Ikola

O Unéne Ua Nzambi Ni Kutena Kuê

¹ Jihova ua hingi ungana uê! Ua zuata kijîngo! Jihova ua zuata, ua di kutu uzonda: ixi ua i kuatesa bhu kididi kiê, ka tena ku i sendumuna.

² Eie Ngana kiandu kiê kia kuata tunde xahulu; tunde dia tunde Eie nuka uà kambele-ku.

³ Masenza ma jingiji, Ngana, ma zangumuka, masenza ma jingiji ma zangumuna o dízui diâ, mabhuku mê ma mu zuma.

⁴ Maji o menha mavulu ue né ma numina, o mabhuku ma kalunga hé ma suína kiavulu, eie-phe, u Jihova, u kotʼèlele, bhu ditala dié bhu uemana.

⁵ Eie umbangi ué uoso u ua bhana ua kidi kiene; mʼonzo ié, u Jihova, muene mua fuama o kuzela kuoso sé dizubhilu.