Jisálamu 87 - O Mikanda Ikola

Ziione Muene Mama Ia Huxi Ioso

Mukumbi ua anʼa Kola; Muimbu.

¹ Disesa dié Jihova ua di tungu ku milundu ié iangene.

² Jihova ua solo o mielu ia Ziione, mabhata moso ma Jakobo ma mu kala ndenge.

³ Ala ku ku zuela ima ia fuma muene, eie u mbanza iangene ia Nzambi!

⁴ Ngi tungula-bhu Lahaba ni Babilónha, ku iá oso a ngʼijiia; iala-ze! enu mu Fidíxia, ni Tilo, ni Etiiópia, a kà mʼila, exi: Iú ni iú kuene kua tundu mukonda kuene kua a vuala.

⁵ Ziione-phe kivuadi, ene oso muene kuene ku umama uâ kua a vuala; Suke-ku muene ua mu kuatesa bhu kididi.

⁶ Jihova kia-nda ku a kuata o konda, muene kia-nda kusoneka akua madiembu moso, u ta muene kuma; Iú ue ku Ziione kuene ku bhata kua mu vualela. (Selah.)

⁷ Ni iá akua kuimba, ni iá akua kukina, hé a ki ta muene ku mukumbi, exi: Bhʼotho ietu, bhu tunda o kuzediua kuetu, bhenhobho, Ngana, bho-bhué.