Jisálamu 85 - O Mikanda Ikola

Musambu Ua Kubhinga Muloloko Ua Nzambi

Mukumbi ua anʼa Kola.

¹ Eie, Jihova, mʼokulu ua kexe kulendukila oxi ié; Jakobo ua mu jituna mu ubhika.

² Mundu ué, ua a loloka o kuêla kuâ, o ituxi iâ ioso ua i vungina. (Selah.)

³ Ua kexe kueha o kubhana kaxtiku, o njinda ié ia teme anga u i tula.

⁴ Kiki ue tu bhetule, u Nzambi ietu ia Kibhamuenhu; né tua ku tondalela, tu lendukile o njinda ié ku i ehelele ku thandu dietu.

⁵ Kífua kuluuala kué, ku ua tu luualela, ki ku-bhu dingi? U jijila ku tu zemba ku miji ioso?

⁶ Manhi ngué ku tu phaphumuna dingi, phala o povo ié nʼa kale mu sangulukila ko kué?

⁷ Tu idikize o jihenda jé, u Jihova; a tu bhese o kubhuluka kué.

⁸ Ngʼividila kua Jihova Nzambi kioso kia zuela; kuma ka kambe kuzuela paze ku mundu uê, ni kua anʼê oso a mu zola; maji ka ki tone dingi o kuvutuka mu lusebhu.

⁹ Kidi kiene, o kubhuluka kuê kua zukama kua iá oso a mu kala ni uoma, phala mʼoxi ietu mu tunge dingi o kubenha kuê.

¹⁰ Ni henda ni kidi a takana kumoxi; o kuiuka ni kutululuka a di bhubhala hé a di nzobola.

¹¹ O kubhanga o kidi kuà fuafua dingi mu mavu; o kubatula mu kidi ku kala dingi mu tala, ni kuzongola tunde mu diulu.

¹² Euá, Jihova u tu bhana dingi o mbote ioso iafuama; o mavu metu ende ni kubhana dingi o idima iê.

¹³ O kubatula mu kidi kuenda ni ku mu tuamena ku pholo, o mu hoka ia manhanhu mê, muene mu kala njila ietu i kuendela.