Jisálamu 82 - O Mikanda Ikola

Kubazela Afundixi A Mangonha

Mukumbi ua Asafo.

¹ Nzambi u balumuka hé uimana bhu kionge kiê kikola; muene u fundisa milonga muʼaxaxi ka jinzambi.

² Mu ki jijidila-hi o kufundisa ni mangonha, hé milonga mu i diodia mu kulungisa o isuéia?

³ Fundisenu kiambote o jingadiama ni jihukunhi; tetululenu ni kuiuka o maka ma iá atate, ni jiphulungu a bhindama.

⁴ Kudilenu ió uatolo o nguzu ni ió a mu bhondeleka; a tambudienu bhu maku a isuéia.

⁵ Ene kejiia kima, ka tongoloka, athu engajaka ngó muʼavundu; jingunji ja kuatele o ngongo ja-lu sota kudibhala.

⁶ Nga ki ambe, ngixi: Enu mu jinzambi, enu oso mu anʼa Suke-ku.

⁷ Kiene; kimoxi-phe, mua kà fua kala athu ni akuenu, mu dibhala muene kala ki fua o ilamba iamukuá.

⁸ Balumuka, eie u Nzambi, u fundise mu ngongo; kuma madiembu moso ma ku tokala.