Jisálamu 80 - O Mikanda Ikola

Kusambela Izalaiele.

Ua Mesene Nimba: mbimbi iê ia Itulu ia umbangi. Mukumbi ua Asafo.

¹ Tu ivue, eie u Mubidi ua Izalaiele, eie u mukua kuendesa Zuze kala kilunga kia ibhaku; eie ua xikama ku thandu dia jixelubini, muika!

² Bhu pholo ia Ifalaíme, ni Bejamí, ni Manasa, vunza nguzu ié, uize mu ku tu bhulula.

³ Tu bhetule dingi, eie u Nzambi ia ifuẋi; tu idikize o kubenha kua pholo ié, phala tu bhuluke.

⁴ Jihova, tata, u Nzambi ia ifuẋi, ua kà suka bhebhi ni kuluuala, sé kuívua o kusamba kua mundu ué?

⁵ Eie ua a disa kúdia kua masoxi, ni kúnua kua kikote mu kikote!

⁶ Tua di bhange tu kikuma kia jimvunda, muʼaxaxi ka athu u tua tungu-nâ; o jinguma jetu ji tu bhanga kasekelu muidiʼâ.

⁷ Tu bhetule dingi, eie u Nzambi ia ifuẋi; tu idikize o kubenha kua pholo ié, phala tu bhuluke.

⁸ Eie ua vuza muvide ué mu Ejito; kunu matumbu ua a kaia, muvide ué eie ua u phaphe.

⁹ Ua u iudikila kididi, muvide ua kuata, iu ua zande oxi ioso.

¹⁰ Milundu ia bokona mu kilembeketa kiê, jithangu jê ji di bhanga kala mixi ia mixitu, ia vungina o jisédulu ja Nzambi.

¹¹ Jithangu jê ja bhixila muene katé bhu ndundu ia kalunga, o kuamukuaʼuku mbambe honga ia Ufalate.

¹² Kiki-phe, Ngana, ua budila-hi o kikonzo kié, phala oso a bhita a kanzʼâ ngó?

¹³ Kiômbo ki tunda ku muxitu, ki u tuka-tuka; o jixitu ji tunda mu kitumba, muene mu jala kudila.

¹⁴ U Jihova dia ituxi, tu bhane dingi o pholo ié, tua ku diondo; ku diudlu ku uala, zongola bhoxi, u tale; tambula dingi konda ia muvide uenhú.

¹⁵ Kixina kia muvide u ua phaphe ni lukuaku lué lua kúdia, ni thangu jê ji ua sase katé ki ja kolo.

¹⁶ Kiki uabhi mu túbhia, ua batujuka; mukonda pholo ié ia luuala, jithangu jê ja kukuta.

¹⁷ Sunununa o lukuaku lué lua dilu, u xitile athu é oso u a solo, ni anʼâ ua a sase mu kala povo ié.

¹⁸ Phala, Ngana, ki tu ku xié ni tu vutuke kuema; tu laiese phala tu sambe dingi mu dijina dié.

¹⁹ Tu bhetule dingi, Jihova, u Nzambi ia ituxi; tu idikize o kubenha kua pholo ié, phala tu bhuluke.