Jisálamu 8 - O Mikanda Ikola

Unéne ua Nzambi ni kujingunuka kua Muthu

Ua Mesene Ngimba; mbimbi iê ia Ngitita, Mukumbi ua Davidi.

¹ U Jihova, Ngana ietu, dijina dié kujinga kuahi mu ngongo ioso!

² Mu kuzuela ku tunda mu kanu dia anʼauisu, ni tuana hanji bhu maku, eie uidikisa ue nguzu; mukonda dia ió a ku zembe; phala o nguma, ni ió mukua phonzo, a lémbue kia kuvutula.

³ Kioso ki ngʼila ngi talesa ku diulu, ku ufunu ua milembu ié, ku mbeje ni jithéthembua ji ua iudika, ngʼamba, ngixi:

⁴ Muthu muene ua soko kiebhi, phala eie ku mu suua? Mba monʼa muthu, kuila eie u mu ta muẋima?

⁵ Sumbala kiene, maji ki ua mu bhanga, kifua ua bhabhelela kua Nzambi; ua mu zuika kitundu kia ukota ni ujitu.

⁶ Ua mu bhana o kutambula konda ia imbamba ioso i ua iudika; o ima ioso ua i te bhoxi dia inama iê.

⁷ Ni jimbudi joso ni jingombe, ni iama kiá i kala mu iangu.

⁸ Ni jinjila ji bhita bhulu, ni jimbiji ja kalunga, ni ima ioso kiá i endela mu jinjila koxi a menha mu musanza.

⁹ U Jihova, Ngana ietu, tata! O dijina dié kujinga kuahi mu ngongo ioso!