Jisálamu 76 - O Mikanda Ikola

O Unéne Ni Kutena Kua Nzambi

Ua Mesene Ngimba; ua kuxikila ku mbànza ja jingoji. Mukumbi ua Asafo ua kuimba.

¹ Nzambi a mu ijidila mua Juda mua di tukuluila; o dijina diê dia fumanena mua Izalaiele, kuma dia dikota.

² Mu Saleme muene mua te o balaka iê, o dibhata diê dia kala mu Ziione.

³ Bhenhobho bhene bhua bukujuila o misongo ia mufula, ni ngubu, ni xibhata ni ibhakatu ioso ia ita. (Selah.)

⁴ Eie o ulamba ué u kuata uôma, ua-lu tunda ku milundu ia kalelà-ku.

⁵ Athu a kexile ni muẋima ua suína, a toloka, o ima ioso a a tambula-iu; u sanga ene oso a zeka ni ene hudí, aii kilu kia mbala-maminhu; o ilôlo ia ita, maku mâ kala dingi ni nguzu ia ku di bhângela.

⁶ Eie, u Nzambi ia Jakobo, ki ua a temena, ni dikalu, ni kabalu, ene oso aia kilu kia muiokoioko.

⁷ Eie, eie Ngana, Ukôla! U kuata uôma! ki ku kuata o njinda ié, nanhi u tena kuimana-bhu?

⁸ Kizuelu kia tundu ku diulu, kia mabatuilu mé; oxi ia kʼivu, iateketa anga i bhuuama,

⁹ kia balumuka Nzambi mu fundisa mu kidi, mbé kubhulula athu oso abelesela mu ngongo. (Selah.)

¹⁰ Mbata ni kidi kiene, eie o njinda ia muthu i biluka diximanu dié; o ia subhuka-bhu eie u i sukika.

¹¹ Lokenu kua Jihova Nzambi ienu, o ioso i mua di lokela futenu-iu muene; enu mu akua kilômbo kiê, mu tudidienu maujitu, zenu kua ió ua tokala ku mu kuatela uôma.

¹² Muene u humbula o kudizangeleka kua makota a jingana; anga u teketesa o jisobha ja mu ngongo.