Jisálamu 70 - O Mikanda Ikola

Izá, Ngana, U Ngi Kudidle

Ua Mesene Ngimba, Mukumbi ua Davidi; ua kulembalesa.

¹ Nga ku bhingi, Ngana Nzambi, izá lusolo mu ku ngi kudila; endelà-ku, u Jihova, mu ku ngi kuatekesa.

² Enhó a kakuke, a diuane, ala ku ngi seia o muenhu uami; a kaie, u a bhese lusolo, oso a kane ku ngi bhanga phulu.

³ Sonhi jʼa kuate, a vutuke kua tundu ni josonhi jâ, enhó oso ala ku ngi uaua, exi: Uá! Ua di bhé-kiu!

⁴ Oso-phe ala ku ku sota jinga eie, a sanguluke, a kale jinge mu kutanena momué, ni mu kuila ku mesuʼé kuala; oso a zola o kubhuluka ku tunda ko kué, a kale mu kuila jinga: Ngana Nzambi u kôla.

⁵ Eme-phe bhabha, ngi ngadiama ia hatu a ngʼehelela, nga tate! endela-ku mu ku ngi sanga, Ngana Nzambi; eie ngó u Mukuatekexi uami, u Mubhanduludi uami; kana kukokoloka tata, u Jihova!