Jisálamu 61 - O Mikanda Ikola

Kusambela Sobha

Ua Mesene Ngimba, ua kuxikila ku jimbanza ja jingoji. Mukumbi ua Davidi.

¹ Ivua, Ngana Nzambi, o kudikola kuami; ngi bhuuile, kioso ki ngi samba.

² Tunde ku maẋokololo kua suku o ixi ngi dikola ko kué, mukonda muẋima uami moxi ua ngi botomoka. Ngi bheke ku ditadi dia di leka dia ngi tundu.

³ Mukonda tundeʼokulu, eie-muène u dilengelu diami, u mboge iami ia matala mua bhingi o nguma ki i ngi tena.

⁴ Ngi kala jinga izuua ioso mu balaka ié, Ngana Nzambi; ngi koloka muene mu suamena moxi a mabhabha mé. (Selah.)

⁵ Kuma eie, Ngana Nzambi, ua ngʼivu kioso ki nga di hambelela; eie ua ngi bhana o undundu ua fuama akua uoma ué.

⁶ Muenexi, eie Ngana, u mu vudisa o izuua; u mu nanesela o mivu iê kala ia miji iavulu.

⁷ Emanenè-ku muene bhu pholo ia Nzambi; Eie, Ngana, tuma o henda ié ni kidi kié i mu inge.

⁸ Kienhiki ki ngi bhangesa kuila ngi ximana jinga o dijina dié, ngi kumbidila jinga izuua ioso o jipolomesa jami.