Jisálamu 57 - O Mikanda Ikola

Musambu ua Kuximana o Kulenduka kua Nzambi

Ua Mesene Ngimba; mbimbi iê ia kuila Ku i zange. Mukumbi ua Davidi. Mixami; kia lenge Saúlo, anga u kala mu dibànda.

¹ Ngi kuatele henda, Ngana Nzambi, ngi kuatele henda; mukonda o muenhu uami ua suamena ko kué; kiene muene, eme ngi di kondela mu kilembeketa kia mabhabha mé; katé ki zubha kubhita o mavuua osoʼá.

² Ngi dikola jinga kua Nzambi, Sukè-ku, kua Nzambi mukua kubhanga ioso mu ku ngi kudila.

³ Muene ku diulu u katula uzonda ua ku ngi bhulula mu lusebu, mua ngi bhake ió uandala o ku ngi dia. (Selah.) Nzambi u ngi tumikisa muene o henda iê ni kidi kiê.

⁴ Mukonda o muenhu uami ua batukila muʼaxaxi ka jihoje; nga zeka mu kaẋi ka athu a uama túbhia; anʼathu muene edi o mazu kenéne kala jisosa ni matoma, o dimi diâ dia soko ni xibhata iatu.

⁵ Zangalala, Ngana Nzambi, ku thandu dia maúlu; o fuma ié i tunde, o fuma ioso mu ngongo.

⁶ Kuma a ngi tela uanda ua ku ngi kuata o inama, ni muẋima moxi ua ngi zondo; a ngi kandeia diela mu njila mu ngi bhita, iá-phe a dibhadiâ-mu ene. (Selah.)

⁷ Muẋima uami ua ku dielela, Ngana Nzambi, muẋima uami ua ku dielela; ngi ku imbila jinga eie, ngi ku ta muene ku mukumbi.

⁸ Phaphumuka, eie u muenhu uami moxi! Phaphumuka, kakoxi ni mbànza! Eme-muène ue ngi phaphumuka mu kimenemene munhá!

⁹ Ngi ku ximana, eie Ngana, muʼaxaxi ka akua bhata; ngi ta o mukumbi ué ni bhu pholo ia akua jixi jengi.

¹⁰ Kuma o henda ié ia dikota, i bhixila ku madiulu; o kidi kié ki suka muene katé ku matuta.

¹¹ Zangalala, Ngana Nzambi, ku thandu dia maúlu; o fuma ié i tunde o fuma ioso mu ngongo.