Jisálamu 54 - O Mikanda Ikola

Muthu Mu Lamba diê u Bhinga Nzambi ku mu Kudila

Ua Mesene Ngimba; a u xikila ku jimbanza ja jingoji. Maxikile a Davidi; kieza akua Zifi kua Saúlo, exi: Davidi iú-ue-iú, ua suama ko kuetu.

¹ Ngi bhulule, Ngana Nzambi, mu dijina dié; ngi fundise, kuma eie uala ni kijingo.

² Ngʼivue, Ngana Nzambi, kioso ki ngala kusamba; bhana dítui ku maka ala kutunda mu kanu diami,

³ Kuma athu engi a balumuka mu ku ngi sota, akua kusuína ala ku ngi seia o muenhu uami; athu a kambe kubhaka Nzambi ku mesuʼâ. (Selah.)

⁴ Talesa-phe, Nzambi muene mukuatekexi uami; Ngana uala ni iá oso a ngi bande ku muenhu uami.

⁵ Muene hinu u ijiia kufuta o phulu ia iá ala ku ngi tola o manhanu; a jimise, ngana, o mbutu, mu kukumbidila o kidi kié.

⁶ Eme-phe ngi ku satela sata ku vondadi iami muene; ngi ximana jinga dijina dié, u Jihova, kuma dijina diambote.

⁷ Kuma eie ua ngi kudila mu phaxi, jami joso; o mesu ami a ki mono, kioso ki ua ngi bhange o jivondadi ku jinguma jami.