Jisálamu 53 - O Mikanda Ikola

O Kuiibha Kua Mukua Ituxi

Ua Mesene Ngimba; mbimbi iê ia Mahalata. Maxikile a Davidi.

¹ O kiôua ua ki ambe ku muẋima uê, uixi: Kana-ku Nzambi! Athu ala muene ifusa, a bhanga isunji iaiibha; ki bhuala ngó u bhanga mbote.

² Sui! ku anʼathu kuala Nzambi mu diulu, uixi: Ngi talesa-ku mba muala ni iá ala ni kilunji, a xikina kusota Nzambi.

³ Ene oso a dianguka, ene oso muene abolo; ki bhuala u bhanga mbote, ki bhuala, né umoxi ngó.

⁴ Enhó a kalakala ituxi, kífua a lémbua kutongolola, a bhingi mundu uami a u kita mbolo iâ ia kúdia, ka moneka uoma ua Nzambi?

⁵ A tukumuka-phe uoma ua a kuata, sumbala kingumba ki ki moneka; kuma Nzambi ua muange ifuba ia ió oso ejiie ku ku lokalala; jisonhi ja a kuata, mukonda Nzambi ua a tobhesa.

⁶ Tamano kubhanduluka kua Izalaiele ku tunda ku Ziione! Kioso Jihova hinu kia bindumuna dingi o Povo iê, Jakobo u tana-ku Izalaiele u sanguluka.