Jisálamu 47 - O Mikanda Ikola

Nzambi Muene o Sobha Mu ngongo ioso

Ua mesene Ngimba. Mukumbi ua anʼa Kola.

¹ Kuatenu jimbánda, enu mu mundu uoso; kolenu Nzambi ni dízui dia kikóue.

² Kuma Jihova, Sukè-ku, u kôla; muene Sobha ia Dikota, u tumina ixi ioso.

³ Muene ua lende o ifuẋi ioso ia tu tolokela etu; o athu engiʼó iu ua a te bhoxi dia inama ietu.

⁴ Muene ua tu solela o undundu uetu, o ixi iauabha ia bhana Jakobo, muthu uê ua mu zola. (Selah.)

⁵ Nzambi ua bande ni ku mu kola kikóue, Jihova uaii ni ku mu xikila koloneta.

⁶ Imbenu o diximanu dia Nzambi, imbenu; imbilenu muenexi uetu, imbenu o diximanu diê.

⁷ Kuma Nzambi muene Sobha ia dikota mu ngongo ioso; mu tumbudienu ni kuimba uhete o diximanu diê.

⁸ Nzambi u tumina akua jixi joso; Nzambi ua xikama bhu kiandu kiê kikôla.

⁹ Jitata ja ifuẋi iengi ja di bhongolola, a di te kumoxi ni mundu ua Nzambi ia Mbalahamu; kuma o ilolo i tuamenena ilômbo, Nzambi muene ngana iâ. Muene ku ukota ka moneka dingi mukuâ!