Jisálamu 43 - O Mikanda Ikola

Kuinda O Tembulu ni Ubatuilu Ua Nzambi

¹ Ngi tetuluile, Ngana Nzambi, u ngi fundile o mulonga uami ni mbutu ia athu a iibha o muẋima; ngi kudile ku kiiala mukua makutu ni mangonha.

² Kuma eie, eie u Nzambi iami ia kimbaka; phala-hi u ngʼehela ngó mu kanga? mbebhuʼohi ngiia jinga ni kudila ni dilamba mukonda dia ubhika uala ku ngi bhikisa na-u o nguma?

³ Ngi tumikise, Ngana, o mukengeji ué, ni kidi kié, phala a ngi tuamenene o njila; a ngi bheke ku mulundu ué ukôla, ni ku dibhata dié, kuala o jibalaka jé.

⁴ Phala ngi bhixile bhu kalatódio ka Nzambi, kua Nzambi uène o kusanguluka kuami kua dikota; o mu ku ku ximana, ngi ku imbila ni kakoxi, u Nzambi, Nzambi iami, tata!

⁵ Ua bhuidila-hi muẋima uami? Ua zôndela-hi moxi diami? Dielela kua Nzambi, kuma hinu ngi mu ximana dingi. Mbata muene o kusangumuka kua pholo iami, muene Nzambi iami.