Jisálamu 32 - O Mikanda Ikola

Uazediua muthu uoso a mu loloka ituxi iê

Mukumbi ua Davidi Maxikile.

¹ Ua zedikua uoso kikuma kiê kióloloke, kituxi kiê kiabhu, a ki làmbe.

² Ua zediua uoso kala dingi ni mulonga kua Ngana, ku muẋima ki ku mu xala makutu.

³ O ki ngedile ngi dixibha, ni ifuba moxi ikala ni kutuza, ngi kala mu kumba izuua ioso.

⁴ Kuma lukuaku lué lua ngi nemena muanha ni usuku; mukutu uia ni kuxoueta kala mu muanha ua kixibhu. (Selah.)

⁵ Ngixi-phe: Kota ngi di xikina kituxi kiami ko koué, o kuêla kuami ki ngi ku sueka; o ki ngedi ngi fisala kutondala kuami kua Jihova, eie kindala ua ngi loloka o kituxi ni mulonga.

⁶ Mukonda dia kiki, uoso uabhu o kubhuma, a dikole ko kué mu thembu i xikina ku mu ivua; o kia-nda kuiza menha mavulu, ma di bhange masenza, bhuemana muene ka bhiẋila-bhu dingi.

⁷ Kuma uoso ua kondamena ko kué, eie u mu bhaka kididi; ka mu tatesa dingi, maji u kala mu kuimba, mu kusangulukila o ubhulukilu ué. (Selah.)

⁸ Ngi ku longesa, ngi ku idikiza njila ioso i ua fuama kuila; ngi ku bhana kaiula, kuma nga ku te muene diesu.

⁹ Kana kusoka ni kabalu ni mula a lémbua kuijiia, a bhingi u a ta mukolo ni felu mu kanu ihi o ku mu sunga nʼa ku bhixila.

¹⁰ Abhukumuka a kala ni malamba avulu; ua dielela Jihova-phe, henda iê i mu konda mbandu ni mbandu.

¹¹ Tanenu-ku kua Jihova, mu sanguluke enu mua iukila mu njila; imbenu ni ngalasa oso muemana muẋima nzanza.