Jisálamu 21 - O Mikanda Ikola

Muimbu ua kuximana Nzambi ua Bhana Kutolola

Ua Mesene Ngimba. Mukumbi ua Davidi.

¹ Muenexi ua sanguluka mu nguzu ié, u Jihova; kutana kuahi, mu ubhulukilu ué!

² Eie ua mu bhana kia solo o muẋima uê; kua mu imina kia bhingi ni mizumbu iê. (Selah.)

³ Kuma eie ua mu kauidila ni madibesá ni mahitula; ua mu zuika kitundu kia ulu ua fina ku mútue.

⁴ Muene ua ku bhingi muenhu, eie ua mu bhana-u; ni kuvula izuua, iiza jinga ngó katé ku hádia ni hádia.

⁵ Fuma iê iavulu mukonda eie ua mu bhulula; eie ua mu te dibete dia ujitu ni ungana.

⁶ Mbata eie ua mu bhana kuzediua kunangenena; ua mu vudixila ngalasa iê mu kukala bhu pholo ié.

⁷ Kuma muenexi ua dielela kua Jihova; o jihenda ja Suke-ku ja mu bhake kididi, ka tena ku mu lundumuna.

⁸ Luluaku lué eie luia ni kusota jinguma jê joso; o lué lua dilu lu bhixila muene katé kuala ió oso a ku zembe.

⁹ U a oha kala mu forno iakusuka ni túbhia, kizuua ki u a tukulukila; Jihova hinu u a minha ni kutema kuê, a kà jikinina mu túbhia.

¹⁰ Eie, Ngana, mbutu iâ ua kà i jima mu ngongo; muiji uâ u bhua-ku muʼaxaxi ka anʼathu.

¹¹ Kuma enhó a kanena ku ku bhanga phulu; a funhine ndunge ia ufe, maji a lémbua ku ki bhanga.

¹² Kuma eie ua-nda ku a bhesa lusolo; misongo ié ua-nda ku a asa na-iu mu jipholo.

¹³ Zangalala, Jihova, mu nguzu ié; etu tu kale mu ku ku imbila, ni ku ximana o uzonda ué.