Jisálamu 149 - O Mikanda Ikola

Axikani Aximana Ngana Nzambi

¹ Ximanenu Jihova, imbidienu Jihova o muimbu uobhe; mu ximanienu bhu kionge bhua bhongoloka athu ê angene.

² Izalaiele a sanguluke ni ió uoso ua mu bhanga; anʼa Ziione a kale ni ngalasa, mua muene muenexi uâ.

³ A mu ximane o dijina ni kukina; a mu ximane ni kuxika kisàka ni kakoxi.

⁴ Kuma Jihova u sanzuka ni mundu uê; muene ua-nda ku uabhesa abelesela ni ubhulukilu uê.

⁵ Akua kikutu kiê a di te nzabala; embe ni ngalasa bhu jihama jâ bhua zeka.

⁶ Jithathe ja kuximana jinga Nzambi ji kale bhu xingu iâ, o xibhata ia mazu aiadi a i kuate jinge bhu maku;

⁷ mu kuvutula phonzo muʼaxaxi ka matumbu, ni kubhesa o kaxtiko ku akua jixi;

⁸ phala kukuta o jisobha jâ ku malubhambu, ni anʼa jingana mu jingidinhá ja felu;

⁹ Mbé ku a bhanga kioso kia tokala mu kuêla kuâ kuòsoneke; kiene o kijingo kia akua kikutu kiê, o athuʼê angene. Ximanenu Jihova.