Jisálamu 14 - O Mikanda Ikola

0 Kubola kua Mukua Ituxi

Ua Mesene Ngimba. Mukumbi ua Davidi.

¹ Kiôua u kí amba ku muẋima uê, uixi: Kana-ku Nzambi. Athu ene oso muene ala ifusa, a bhanga imbamba ia isunji, ki bhuala ngó muthu u bhanga mbote.

² Sui! ku anʼathu kuala Jihova mu diulu, uixi: Ngi talesa mba muala ni iá ala ni kilunji, a ẋikina kusota Nzambi.

³ Ene oso a baluka, ene oso muene abolo; ki bhuala u bhanga mbote, né umoxi ngó.

⁴ Ene oso-ó a kalakala ituxi, kífua a lémbua kutongolola, abhingi a dia o mundu uami, kala muthu kia dia o mbolo, ene ka moneka ngó uoma ua Nzambi?

⁵ Hinu bhu kala kizuua kiâ kia di uana, anga ezala ni uoma; kuma Nzambi uala ni muiji uoso u mu xila muene.

⁶ Ngadiama uandala kuzuela, enu-phe mu mu tobhesa, maji Jihova-phe muene dilemba diê.

⁷ Euá! Tamanu ku Ziione ku tunda kubhanduluka kua Izalaiele! Jihova hinu kia kà bhongolola jihutile jê ku makanga, Jakobo u tana-ku, o Izalaiele u sanguluka.