Jisálamu 138 - O Mikanda Ikola

Kusakididla Nzambi Mukonda dia Kitongola Kiê

Mukumbi ua Davidi.

¹ Ngi ku ximana Ngana, ni muẋima uami uoso; bhu pholo ia jinzambi, ngi ku tumbula-bhu eie.

² Ngi diunda ni kubhana o pholo kua kala o Tembulu ié, ngi ku tumbula dijina mukonda dia kiadi kié kia kidi; kuma o maka mé, Ngana, ma ulamba, ni ku a fika ngó tua lémbua.

³ Kizuua ki nga dikola, eie uetaia kiá; ua ngi bhana dingi huii ku muẋima moxi.

⁴ Jisobha joso mu ngongo ji ku ximana eie u Jihova, kuma o maka ma dikanu dié a mʼevu.

⁵ Kidi kiene, mauendelu mé a ma ta ku mukumbi, kuma o fuma ia Jihova ia vulu kinéne!

⁶ Kuma Jihova sumbala kota dia ngana, maji u suua ió ua batama; mukua izala-phe u mu muena ngó mu kanga.

⁷ Né-mbe ngʼenda mu axaxi ka malamba, eie, Ngana, u ngʼinga, ngi laia muene; kuma u tula lukuaku lué ku jinguma ja ngi kala ni njinda, o lukuaku lué lua kúdia, lu ngi bhulula.

⁸ Jihova u ngi zubhila ioso ia ngi kambe; o kiadi kié, Ngana, ki kiene kúbhua; kana kuehelela o kikalakalu kia maku mé.