Jisálamu 137 - O Mikanda Ikola

A a Balakala, A Xinganeka ku Ziione

¹ Bhu mbanduʼa jihonga, ja jingiji mu Babilónha, bhene bhu tua xikama jinga, anga tu kuata kudila, kioso ki tu xinganeka Ziione.

² O mu isasa ia sabhukila bhenhobho, muene mu tua nhenga jinga o jimbànza jetu.

³ Mukonda ió oso a tu ambata ku mikolo a tu bhingi kuimba; ene a tu bhondeleka, exi: Sangulukenu; tu imbidienu hanji muimbu uoso-uoso ua Ziione.

⁴ Muimbu-phe ua Jihova tu u imba kiebhi kunu kʼoxi iengi kua tu bheka?

⁵ U Jeluzaleme, se nga kambe ku ku ta muẋima, lukuaku luami ue lua kadilu lu bhue uhete uê!

⁶ Dimi di ngi naminine ku thanduʼa dikanu, se Jeluzaleme u kamba ku ngi kala kota, ima ioso ia ngi uabhela ndenge-èlele.

⁷ U Jihova, lembalala kia zuela anʼa Edomo kizuua kia buika Jeluzaleme, exi: Sengulula muene, sengululenu, Jeluzaleme i bhue-bhu katé ku mavu.

⁸ Eie-phe ue u Babilónha, hinu a ku bhanga-kiu; u lungê ió uoso u ku bhanga ki ua tu bhange etu.

⁹ U lungê uoso u kuata o tuana tué nʼa tu vunda-vunda ku matadi, hé tuila muene sasu-sasu.