Jisálamu 136 - O Mikanda Ikola

O Kulenduka Kua Nzambi

¹ Sakidilenu Jihova o mbote iê; kuma kulenduka kuê ki kuene kúbhua.

² Sakidilenu Nzambi ia jinzambi; kuma kulenduka kuê ki kuene kúbhua.

³ Sakidilenu Ngana ia jingana; kuma kulenduka kuê ki kuene kúbhua.

⁴ U bhanga madiuanu, muene ubheka uê; kuma kulenduka kuê ki kuene kúbhua.

⁵ Ua kala ni uhete ua kuiudika maúlu; kuma kulenduka kuê ki kuene kúbhua.

⁶ Uombo mavu kuthandu, o menha nʼa kale koxi; kuma kulenduka kuê ki kuene kúbhua.

⁷ Ua tena kubhanga imuiku ia makota; kuma kulenduka kuê ki kuene kúbhua.

⁸ Dikumbu di tumina mu muanha; kuma kulenduka kuê ki kuene kúbhua.

⁹ Ni mbeje ni jithéthembua ji tumina mu usuku; kuma kulenduka kuê ki kuene kúbhua.

¹⁰ Ua beta ana a phandekumbi mu Ijito; kuma kulenduka kuê ki kuene kúbhua.

¹¹ Iu ua katula Izalaiele muʼaxaxi kâ; kuma kulenduka kuê ki kuene kúbhua.

¹² Ni kànda dia nguzu, ni lukuaku luasununuka; kuma kulenduka kuê ki kuene kúbhua.

¹³ Ua tena kubatula Kalunga Kakusuka mu kaẋi; kuma kulenduka kuê ki kuene kúbhua.

¹⁴ Iú ua bhangesa Izalaiele kubhitila mu kaẋi ka menha; kuma kulenduka kuê ki kuene kúbhua.

¹⁵ Maji Falaó ni kilômbo kiê ua a kukumuina muʼAlunga kakusuka; kuma kulenduka kuê ki kuene kúbhua.

¹⁶ Uendesa o mundu uê mu kikangalakata; kuma kulenduka kuê ki kuene kúbhua.

¹⁷ Ua beta makota a jingana; kuma kulenduka kuê ki kuene kúbhua.

¹⁸ Ua buidisa jisobha ja fumana; kuma kulenduka kuê ki kuene kúbhua.

¹⁹ Sihone sobha ia Mamodi; kuma kulenduka kuê ki kuene kúbhua.

²⁰ Ni Hoke sobha ia Basane; kuma kulenduka kuê ki kuene kúbhua.

²¹ Ua bhana oxi iâ ku i bhingana; kuma kulenduka kuê ki kuene kúbhua.

²² Ikale undundu uangene ua selevende iê Izalaiele; kuma kulenduka kuê ki kuene kúbhua.

²³ Ua tu lembalala mu ditala dietu dia kutola; kuma kulenduka kuê ki kuene kúbha.

²⁴ Ua tu kudila ku jinguma jetu ala ku tu kanena; kuma kulenduka kuê ki kuene kúbhua.

²⁵ U bhana kúdia ku jixitu joso; kuma kulenduka kuê ki kuene kúbhua.

²⁶ Mbàmba, sakidilenu Nzambi ia diulu; kuma kulenduka kuê ki kuene kúbhua.