Jisálamu 131 - O Mikanda Ikola

O Kubatama Mua Ngana

Muimbu ua ngenji uia mu bheza: Mukumbi ua Davidi.

¹ U Jihova, muẋima uami ki uala ni izala, kana; ki ngala mu xikulula mesu ni katunda koso! Ki ngi di metena imbamba ia ngi tundu, mba ngi sota imbamba ia makota ki i ngi tokala!

² Kana, inda nga bateka o muẋima uami, eme nga di xibhisa-u muene, kala mona ua sumuka kiá, kia di xibha bhu jihata ja mamʼâ; kiene ue muenhu uami moxi ua di xibha mukua ni mona ua sumuka kiá.

³ Enu ue Izalaiele, dielelenu kua Jihova, tunde kiki ki mualʼiki, ni ku hádia ni hádia.