Jisálamu 129 - O Mikanda Ikola

Muimbu ua ngenji uia mu bheza

¹ A ngi huha muene luavulu ni ku ngi talesa hadi tunde mu undenge, Izalaiele a ki zuele kiá!

² A ngi huha luavulu muene ni ku ngi talesa hadi tunde mu undenge uami, maji a lémbua ku ngi tolola!

³ Akua kudima ni alado, a ngi bhange mixinga ku kunda; o mixanda ia alado a i lebhesa muene.

⁴ Jihova-phe muthu ua tetuluka, mukua kidi, ua batula o mikolo ia isuéia.

⁵ Ene oso a zembe Ziione, a a kuatese jisonhi; a a bhese lusolo, a vutuke kua tundu.

⁶ A kale kala iangu i sabhuka ku thandu dia ʼnzo, kiluua ngó i kula ia lela kiá!

⁷ Ia bhingi o mukua kumuna ka tena kukutila-bhu kita, o mukua kubhongolola ue ka mono dibhûbhu dia kuta bhu homba.

⁸ Abhite-a-njila ka tena, kuila: Tana-ku! Mba amba, exi: O kizediuise kia Jihova ki kale ku thandu dié. Etu tua mi te o kizediuise mu dijina dia Jihova!