Jisálamu 128 - O Mikanda Ikola

Uoma Ua Nzambi Ni Kuzediua Mʼonzo

Muimbu ua ngenji uia mu bheza.

¹ Ua zediua o muthu ió uoso ua kuata uoma ua Jihova, mukua kuenda jinga mu ʼnjila jê.

² Ku muanu ua ikalakalu ia maku mê u dia-ku, u zediua, u lunga, u bhanduluka, kuma ima iê ioso ienda kiambote.

³ Mukajiʼê u kala kala muvide uala kuima kiavulu mu kithâdi kiaʼnzo iê, anʼê a di fua ixina ia midiva ia sabhuluka mu jimbandu ja meza mé.

⁴ Ijiia na-kiu, kuma kienhiki ki zediua o muthu uoso uene ni uoma ua Jihova.

⁵ Jihova ku mbanza iê ia Ziione, a tume ku ku zediuisa; eie u mone o kubhanduluka kua Jeluzaleme, izuua ioso ia muenhu ué.

⁶ Ni ana ni alaula eie ua kà a mona mesu, ni kutululuka ku thandu dia Izalaiele!