Jisálamu 127 - O Mikanda Ikola

Mbote Joso Ji Tunda Kua Nzambi

Muimbu ua ngenji uia mu bheza: Mukumbi ua Solomá.

¹ Jihova se ua kambe kutunga dibhata, a tala ngó hadi oso a di tunga; Jihova se ua kambe kulanga mbonge, mulangidi né ua tono, lémbue.

² Kingoho ue o kudimeneka ku thonga, ni kuseiala usuku kudia kua ku di huha; kuma oso a a zolo kuala muene, a a bhela ku kilu.

³ Iala-ze! O ana, uene undundu u tunda kua Jihova; o ibundu ia divumu ue, muene u ku bhana-iu, kuma jene o jihuuilu.

⁴ Ana òvuale mu nguzu ia undenge, a soko ni misongo iala bhu lukuaku lua kindanda.

⁵ Ua zediua o diiala uoso ua a somo, o kizu kiê kiezala muene; ió ka tena kutandanganha ni jisonhi, kia di kuata ni jinguma jê bhu muelu ua mbonge.