Jisálamu 126 - O Mikanda Ikola

Oso a Dila Ngana U a Tululula

Muimbu ua ngenji uia mu bheza.

¹ Kizuua kia bheka dingi Jihova athuʼê ku Ziione, a tundu mu ku a balakala, tuedile kala tua mu kuanjiua nzoji.

² Mu kanu bhenhobho mua tu izala ni jingolela, dimi di kuata mu kuimba; katé ni mu matumbu a ki ambe, exi: Athu iá Jihova ua a bhange ima ia madiuanu!

³ Jihova ua tu bhange muene ima ia makota, ia madiuanu;

⁴ lungulula dingi o uindua uetu, Ngana Nzambi, tu bhanduluke, kala o jihonga jakukuta ki jʼizala menha ku sulu.

⁵ Oso a kuua ni masoxi, hinu a kà bhongolola ni ngalasa.

⁶ Oso aia ku mábhia ni kudila, mu kuna mbutu ja iuka, edi kala a tale ngó hadi, hádia-phe eza ni kusanguluka, ambata o ita ia idima ia kutu.